ఫైనల్​ మ్యాచ్​కు ముందు సీఎస్​కేకు భారీ షాక్.. ఎంఎస్​ ధోనీపై నిషేధం?

చెన్నై సూపర్ కింగ్స్ తమ హోమ్​ గ్రౌండ్​లో మరోసారి అదరగొట్టింది. గుజరాత్ టైటాన్స్​తో జరిగిన క్వాలిఫయర్​-1లో 15 రన్స్ తేడాతో సూపర్బ్ విక్టరీ కొట్టింది. ఈ విజయంతో ఫైనల్​కు దూసుకెళ్లింది ధోని సేన. రుతురాజ్ గైక్వాడ్ (60), కాన్వే (40) రాణించడంతో తొలుత సీఎస్​కే 7 వికెట్లకు 172 రనర్స్ చేసింది. షమి, మోహిత్ శర్మ చెరో రెండు వికెట్లు తీశారు. ఆ తర్వాత ఛేదనకు దిగిన గుజరాత్ టైటాన్స్​ 20 ఓవర్లలో 157 రన్స్​కే ఆలౌటైంది. రవీంద్ర జడేజా, తీక్షణ, దీపర్ చాహర్ తలో రెండు వికెట్లతో టైటాన్స్​ పతనాన్ని శాసించారు. ఓపెనర్ శుబ్​మన్ గిల్ (42), రషీద్ ఖాన్ (30) ఫర్వాలేదనిపించారు. ఈ ఓటమితో కుంగిపోయిన గుజరాత్​కు ఫైనల్ చేరేందుకు మరో ఛాన్స్ ఉంది. ఎలిమినేటర్​లో గెలిచిన జట్టుతో క్వాలిఫయర్-2లో తలపడుతుంది టైటాన్స్. ఒకవేళ అందులో గనుక నెగ్గితే ఫైనల్స్​లో​ సీఎస్​కేతో ఆడొచ్చు.

గుజరాత్​పై గెలిచి ఫైనల్​ బెర్త్​ను ఖరారు చేసుకున్న చెన్నై సూపర్ కింగ్స్​ను ఒక వార్త భయపెట్టిస్తోంది. మే 28న అహ్మదాబాద్​లో జరిగే ఫైనల్​ మ్యాచ్​లో ఆ జట్టు సారథి ఎంఎస్ ధోని ఆడేది అనుమానంగా మారింది. అతడిపై నిషేధం విధించే అవకాశాలు ఉన్నట్లు క్రికెట్ వర్గాలు వెల్లడించాయి. క్వాలిఫైయర్-1లో గుజరాత్​తో జరిగిన మ్యాచ్​లో ధోని అంపైర్​తో వాగ్వాదానికి దిగిన విషయం విదితమే. దీని వల్ల అతడు 4 నిమిషాల టైమ్ వృథా చేశాడు. దీన్ని సీరియస్​గా తీసుకున్న మ్యాచ్ రిఫరీ.. ధోని మీద ఫైన్ లేదా బ్యాన్ విధించే ఛాన్స్ ఉందని ఒక ప్రముఖ క్రీడా వెబ్​సైట్ తెలిపింది. ఈ విషయంపై ఐపీఎల్​ గవర్నింగ్ కౌన్సిల్ కూడా ఆరా తీస్తున్నట్లు సమాచారం. ఒకవేళ ధోనీపై నిషేధం విధిస్తే ఫైనల్​కు ముందు సీఎస్​కే భారీ ఎదురుదెబ్బే అని చెప్పాలి.

ధోని విషయంలో తుది నిర్ణయం తీసుకునే అధికారం రిఫరీకే ఉంటుంది. అసలేం జరిగిందంటే.. గుజరాత్ టైటాన్స్ ఇన్నింగ్స్ 16వ ఓవర్​ వేసేందుకు చెన్నై పేసర్ మతీషా పతిరాణా తయారయ్యాడు. కానీ అతడు బౌలింగ్ చేసేందుకు ఫీల్డ్ అంపైర్​లు క్రిస్ గఫానీ, అనిల్ చౌదరి ఒప్పుకోలేదు. ఈ ఓవర్ వేయడానికి ముందు పతిరాణా దాదాపు 9 నిమిషాల పాటు గ్రౌండ్​లో లేడు. దీంతో నేరుగా డగౌట్ నుంచి వచ్చిన పతిరాణాను బౌలింగ్ చేయకుండా అంపైర్లు అడ్డుకున్నారు. ఐపీఎల్ రూల్స్ ప్రకారం.. 8 నిమిషాల పాటు మైదానంలో లేని ఆటగాడు వచ్చి బౌలింగ్ లేదా బ్యాటింగ్​ చేయడం కుదరదు. అయితే ధోని వచ్చి అంపైర్లను ఒప్పించడంతో పతిరాణా ఆ ఓవర్​ను కొనసాగించాడు. ఈ విషయంలో రిఫరీ ఎలాంటి నిర్ణయం తీసుకుంటాడో చూడాలి.

MS Dhoni to be banned for IPL 2023 Final? CSK skipper intentionally waste time in Qualifier 1 with umpires#IPL2023 #MSDhoni #Qualifier1 #CSKvGT https://t.co/sSY9YXqxf9

— InsideSport (@InsideSportIND) May 24, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.