IPL చరిత్రలో సరికొత్త రికార్డు.. గంభీర్​ను దాటేసిన SRH యంగ్ ప్లేయర్!

ఐపీఎల్-2023లో సన్​రైజర్స్ హైదరాబాద్​ టీమ్​కు ప్లేఆఫ్స్ వెళ్లే దారులు మూసుకుపోయాయి. చివరి లీగ్ మ్యాచ్ తర్వాత ఆ జట్టు ఇక అస్సాంకే. అయితే రాయల్ ఛాలెంజర్స్ బెంగళూరుతో హోమ్ గ్రౌండ్​లో జరిగిన గత మ్యాచ్​లో ఎస్​ఆర్​హెచ్​ మంచి ప్రదర్శన చేసింది. బౌలింగ్​లో తేలిపోయినా.. బ్యాటింగ్​లో మాత్రం దుమ్మురేపింది. సన్​రైజర్స్ ఓపెనర్ హెన్రిచ్ క్లాసెన్ అయితే సెంచరీతో చెలరేగాడు. ఆర్సీబీతో ఓడిపోయినప్పటికీ బ్యాటింగ్​తో ప్రేక్షకుల అభిమానాన్ని గెలుపొందింది ఎస్​ఆర్​హెచ్. ఇక, ఇవాళ ముంబై ఇండియన్స్ తమ లాస్ట్ మ్యాచ్​ ఆడేందుకు సన్​రైజర్స్ సిద్ధమైంది. తమకు ప్లేఆఫ్స్ వెళ్లే అవకాశాలు లేకపోయినా ముంబై ప్లేఆఫ్స్ ఆశలను గల్లంతు చేసే ఛాన్స్ సన్​రైజర్స్ హైదరాబాద్​కు ఉంది. ఒకవేళ ఈ మ్యాచ్​లో ఎస్​ఆర్​హెచ్​ నెగ్గితే దాదాపుగా ముంబై కథ ముగిసినట్లే.

ముంబై, సన్​రైజర్స్ మధ్య జరుగుతున్న మ్యాచ్​లో ఫస్ట్ బ్యాటింగ్​కు దిగింది ఎస్​ఆర్​హెచ్. ఓపెనర్​గా మయాంక్ అగర్వాల్​కు తోడుగా యంగ్ ప్లేయర్ వివ్రాంత్ శర్మకు అవకాశం ఇచ్చింది రైజర్స్ మేనేజ్​మెంట్. అయితే తన మీద పెట్టుకున్న నమ్మకాలను, ఈ ఛాన్స్​ను వివ్రాంత్ వృథా చేయలేదు. 47 బాల్స్​లో 69 రన్స్​తో దుమ్మురేపాడు. 9 ఫోర్లు, 2 సిక్సులతో అతడు తన ఎంట్రీని ఘనంగా చాటాడు. ఈ క్రమంలో వివ్రాంత్ ఐపీఎల్​లో ఒక అరుదైన రికార్డును నెలకొల్పాడు. ఐపీఎల్​లో ఆడిన తొలి మ్యాచ్​లోనే అత్యధిక రన్స్ చేసిన ఇండియన్ ప్లేయర్​గా వివ్రాంత్ నిలిచాడు. ఈ విషయంలో తన కంటే ముందు ఉన్న స్వప్నిల్ (60), గౌతం గంభీర్ (58), దేవ్​దత్ పడిక్కల్ (56)ను వివ్రాంత్ అధిగమించాడు. ముంబైతో వాంఖడేలో జరుగుతున్న మ్యాచ్​లో 18.3 ఓవర్లు ముగిసేసరికి ఎస్​ఆర్​హెచ్​ 4 వికెట్ల నష్టానికి 186 రన్స్ చేసింది. ఎయిడెన్ మార్క్​రమ్ (4 నాటౌట్), హ్యారీ బ్రూక్ (0 నాటౌట్) క్రీజులో ఉన్నారు.

Well played, Vivrant Sharma!

69 in 47 balls with 9 fours and 2 sixes – the highest individual score by an Indian on IPL debut. pic.twitter.com/TxxqnGoJcS

— Mufaddal Vohra (@mufaddal_vohra) May 21, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.