కోహ్లీ జెర్సీని ఫ్రేమ్‌ కట్టించుకుని ఇంట్లో పెట్టుకున్న బంగ్లా క్రికెటర్‌!

టీమిండియా మాజీ కెప్టెన్‌, రన్‌ మెషీన్‌ విరాట్‌ కోహ్లీ అంటే తెలియని క్రికెట్‌ అభిమాని భూమ్మిద లేడంటే అతిశయోక్తి కాదు. అలాగే ఇప్పటి జనరేషన్‌ క్రికెటర్లకు కోహ్లీ ఓ రోల్‌మోడల్‌. ఆ విషయాన్ని చాలా మంది యువ క్రికెటర్లు బహిరంగంగానే కోహ్లీపై తమ ఇష్టాన్ని బయటపెట్టారు. అయితే ఓ బంగ్లాదేశ్‌ క్రికెటర్‌ మాత్రం ఏకంగా కోహ్లీ జెర్సీని ఫ్రేమ్‌ కట్టించుకుని మరీ తన ఇంట్లో పెట్టుకున్నాడు. ప్రస్తుతం ఆ ఫొటో సోషల్‌ మీడియాలో వైరల్‌ అవుతుంది. కోహ్లీ జెర్సీని ఫ్రేమ్‌ కట్టించుకోని ఇంట్లో పెట్టుకున్న ఆ క్రికెటర్‌ ఎవరో కాదు.. గతేడాది బంగ్లాదేశ్‌ పర్యటనకు వెళ్లిన భారత జట్టుపై సంచలన ప్రదర్శన కనబర్చిన మెహిదీ హసన్‌ మిరాజ్‌.

భారత్‌ లాంటి పటిష్టమైన జట్టుపై గతేడాది బంగ్లాదేశ్‌ వన్డే సిరీస్‌ను 2-1తో తేడాతో గెలిచిందంటే అందుకు ప్రధాన కారణం ఈ మెహిదీ హసన్‌. తొలి వన్డేలో బంగ్లాదేశ్‌ 139 పరుగులకే 9 వికెట్లు కోల్పోయినా.. విరోచితంగా పోరాడి 38 పరుగులతో నాటౌట్‌గా నిలిచి.. బంగ్లాదేశ్‌కు గొప్ప విజయాన్ని అందించాడు. ఆ తర్వాత.. రెండో వన్డేలో ఏకంగా సెంచరీతో చెలరేగాడు. పటిష్టమైన బౌలింగ్‌ లైనప్‌ ఉన్న టీమిండియాపై 8వ స్థానంలో బ్యాటింగ్‌ వచ్చి సెంచరీ సాధించాడు. అలాగే బౌలింగ్‌లోనూ అద్భుతం చేశాడు. మూడు వన్డేల్లో 4 వికెట్లు పడగొట్టాడు. 141 పరుగులు చేశాడు. ఇక టెస్టు సిరీస్‌లోనూ తొలి టెస్టులో 5 వికెట్లు పడగొట్టాడు.

అలాగే రెండో టెస్టులోనూ మెహిదీ 6 వికెట్లు సాధించాడు. ఈ మ్యాచ్‌లో బంగ్లాదేశ్‌ అద్భుతంగా పోరాడి ఓడినా.. టీమిండియాను 145 పరుగుల టార్గెట్‌ను ఈజీగా చేరుకోనియకుండా.. మోహిదీ వణికించాడు. ఈ 6 వికెట్లలో ప్రపంచంలోనే గొప్ప బ్యాటర్‌గా పేరొందిన కోహ్లీ వికెట్‌ కూడా ఉంది. 29 పరుగులకే 3 వికెట్లు కోల్పోయిన దశలో బ్యాటింగ్‌కు వచ్చిన కోహ్లీని అవుట్‌ చేశాడు. కోహ్లీ వికెట్‌ దక్కిన ఆనందంలో మోహిదీ చేసుకున్న సంబరాలు ఆ సమయంలో హైలెట్‌గా నిలిచాయి. అయితే.. ఆ పర్యటనలో తన మనసు గెలుచుకున్న మెహిదీకి కోహ్లీ తన జెర్సీని గిఫ్ట్‌గా అందించాడు. ఎంతో అపురూపంగా దాన్ని స్వీకరించిన మెహిదీ.. ‘గ్రేటెస్ట్‌ బ్యాటర్‌ నుంచి ప్రత్యేకమైన సావియర్‌ అందుకోవడం ఎంతో సంతోషంగా ఉందని’ సోషల్‌ మీడియాలో పేర్కొంటూ మురిసిపోయాడు. ఆ జెర్సీనే ఫ్రేమ్‌ కట్టించుకుని ఇంట్లో పెట్టుకున్నాడు. టీవీ పైన ఒక వైపు కోహ్లీ జెర్సీ మరోవైపు మెహిదీ జెర్సీ ఉన్న ఫొటో వైరల్‌ అవుతుంది. మరి ఈ విషయంపై మీ అభిప్రాయాలను కామెంట్ల రూపంలో తెలియజేయండి.

Mehidy Hasan has framed the Jersey in his house which was gifted by Virat Kohli.

The GOAT – King Kohli. pic.twitter.com/1vlbjao7Lx

— Johns. (@CricCrazyJohns) April 29, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.