ఇదేం చెత్తాట.. వాళ్లను చూసి నేర్చుకో! యంగ్ ఓపెనర్​పై సెహ్వాగ్ ఘాటు విమర్శలు!

ఏ రంగమైనా కొత్త రక్తం వస్తూ ఉండాలి. అనుభవజ్ఞుల అండతో వారు రాటుదేలి ఆ రంగాన్ని మరింత ముందుకు తీసుకెళ్లాలి. క్రికెట్ కూడా అంతే. సీనియర్ క్రికెటర్లతో జట్టు ఎంత బలంగా ఉన్నా యువకులు కూడా టీమ్​లోకి రావాలి. సీనియర్ల దగ్గర మరిన్ని విషయాలు నేర్చుకుని క్రికెట్​ను ముందుకు తీసుకెళ్లాలి. అందుకే ఏ టీమ్​ అయినా ప్రతిభ కలిగిన యువ ఆటగాళ్లకు అవకాశాలు ఇచ్చి మరీ ప్రోత్సహిస్తుంది. పృథ్వీ షాను కూడా టీమిండియా మేనేజ్​మెంట్ అలాగే ప్రోత్సహించింది. అందుకు తగ్గట్లే జట్టులోకి వచ్చిన కొత్తలో తానేంటో నిరూపించుకున్నాడు షా. అయితే ఆటలో నిలకడలేమితో జట్టుకు దూరమయ్యాడు. 2018లో టీమిండియా తరఫున షా ఎంట్రీ ఇచ్చినప్పుడు.. సెహ్వాగ్, లారా, సచిల్ లాంటి స్టార్ బ్యాటర్ల సరసన చేరే సత్తా ఈ యంగ్​స్టర్​కు ఉందని రవిశాస్త్రి లాంటి లెజెండ్ వ్యాఖ్యానించాడు.

రవిశాస్త్రి వ్యాఖ్యలు మాత్రం నిజం కాలేదు. జాతీయ జట్టుకు దూరమయ్యాడు పృథ్వీ షా. ప్రస్తుతం దేశవాళీలో బాగానే రాణిస్తున్నా భారత జాతీయ జట్టులో మాత్రం చోటు దక్కించుకోలేకపోతున్నాడు. అదే సమయంలో షా సారథ్యంలో అండర్-19 ప్రపంచ కప్​ ఆడిన మరో యంగ్ ఓపెనర్ శుబ్​మన్ గిల్ మాత్రం టీమిండియాలో కీలక సభ్యుడిగా ఎదుగుతున్నాడు. మూడు ఫార్మాట్లలోనూ సెంచరీలతో చెలరేగుతూ.. తన స్థానాన్ని సుస్థిరం చేసుకునే పనిలో బిజీగా ఉన్నాడు. అదే విధంగా ఐపీఎల్​లోనూ సత్తా చాటుతున్నాడు. అరంగేట్ర సీజన్​లోనే కప్​ను ఒడిసిపట్టిన గుజరాత్​ టైటాన్స్ జట్టులో కీలక సభ్యుడిగా ఉన్నాడు గిల్. ఈ సీజన్ ఆరంభ మ్యాచ్​లోనూ చెన్నైతో మ్యాచ్​లో హాఫ్ సెంచరీతో అదరగొట్టాడు.

ఒకవైపు శుబ్​మన్ గిల్ కెరీర్​లో రాకెట్​లా దూసుకుపోతుంటే.. మరోవైపు పృథ్వీ షా పరిస్థితి మాత్రం అందుకు భిన్నంగా ఉంది. లక్నో సూపర్ జెయింట్స్​తో తొలి మ్యాచ్​లో 12 రన్స్​కే పెవిలియన్​కు చేరిన ఈ ఢిల్లీ క్యాపిటల్స్ ఓపెనర్.. రెండో మ్యాచులోనూ ఫెయిలయ్యాడు. గుజరాత్ టైటాన్స్​తో జరిగిన మ్యాచులో 7 పరుగులే చేసి ఔటయ్యాడు. చెత్త షాట్ సెలక్షన్​తో వరుసగా విఫలమవుతున్న షాపై టీమిండియా మాజీ ఓపెనర్ వీరేంద్ర సెహ్వాగ్ విమర్శలు గుప్పించాడు. తన తోటి ప్లేయర్లు గిల్, రుతురాజ్ గైక్వాడ్ పరుగుల వరద పారిస్తుంటే.. షా మాత్రం ఇంకా వెనుకబడే ఉన్నాడని చెప్పాడు. చెత్త షాట్లతో వికెట్లు సమర్పించుకుంటున్నాడని.. తప్పుల నుంచి గుణపాఠాలు నేర్చుకోవడం లేదని చురకలు అంటించాడు.

#IPL2023
Comparing Shaw to Shubman Gill, his one-time partner in U-19 cricket, and Ruturaj Gaikwad, Sehwag unleashed a tirade on how Shaw’s has been overtaken by plenty of his peers.https://t.co/lhF8HZ9sw8

— Express Sports (@IExpressSports) April 5, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.