స్లెడ్జింగ్​కు బ్యాట్​తో సమాధానం.. సంజూ శాంసన్​తో పెట్టుకుంటే ఇలాగే ఉంటది!

గతేడాది టైటిల్ విన్నర్ గుజరాత్ టైటాన్స్ ఐపీఎల్ పదహారో సీజన్​ను ఘనంగా ఆరంభించింది. ఆడిన తొలి మ్యాచ్​లోనే పటిష్టమైన చెన్నై సూపర్ కింగ్స్​ను మట్టికరిపించింది. ఢిల్లీ క్యాపిటల్స్​తో జరిగిన రెండో మ్యాచ్​లోనూ విక్టరీ కొట్టింది. అయితే ఆ తర్వాత ఆడిన మూడు మ్యాచుల్లో రెండు పరాజయాలను మూటగట్టుకుంది. ఆదివారం రాజస్థాన్​ రాయల్స్​తో ఉత్కంఠగా సాగిన మ్యాచ్​లో గుజరాత్ టైటాన్స్ ఓడిపోయింది. తొలుత బ్యాటింగ్​కు దిగిన గుజరాత్ నిర్ణీత 20 ఓవర్లలో 7 వికెట్లు కోల్పోయి 177 రన్స్ చేసింది. ఓపెనర్ శుబ్​మన్ గిల్ (45) తన అద్భుత ఫామ్​ను కొనసాగించాడు. జట్టుకు శుభారంభాన్ని అందించాడు.

హార్డ్ హిట్టర్ మిల్లర్ (46) కూడా ఆకట్టుకున్నాడు. సారథి హార్దిక్ పాండ్యా (28)తో పాటు అభినవ్ మనోహర్ (13 బాల్స్​లో 27) కూడా రాణించడంతో టైటాన్స్ మంచి స్కోరు చేయగలిగింది. లక్ష్య ఛేదనకు దిగిన రాజస్థాన్ రాయల్స్​ ఆరంభంలోనే తడబడింది. ఓపెనర్లు యశస్వి జైస్వాల్ (1), జోస్ బట్లర్ (0) వికెట్లను వెంటవెంటనే కోల్పోయింది. అయితే దేవ్​దత్ పడిక్కల్ (26), సంజూ శాంసన్ (32 బాల్స్​లో 60) జట్టును ఆదుకున్నారు. ఆ తర్వాత హెట్​మెయిర్ (26 బాల్స్​లో 56) టీమ్​ను విజయతీరాలకు చేర్చాడు. రాయల్స్ ఇన్నింగ్స్​లో సంజూ శాంసన్, హెట్​మెయిర్‌‌ విధ్వంసక బ్యాటింగ్​తో పాటు ఒక ఆసక్తికర సన్నివేశం కూడా చోటుచేసుకుంది.

రాజస్థాన్ బ్యాటింగ్ సమయంలో ఓపెనర్లు త్వరగా ఔటవ్వడంతో సంజూ శాంసన్ క్రీజులోకి వచ్చాడు. ఆ టైమ్​లో అతడి దగ్గరకు వచ్చిన ప్రత్యర్థి కెప్టెన్ హార్దిక్ పాండ్యా సంజూ చెవిలో ఏదో చెప్పాడు. దీనికి శాంసన్ జవాబివ్వలేదు. సీరియస్​గా చూస్తూ ఉండిపోయాడు. ఆ తర్వాత తన బ్యాట్​తోనే సమాధానం చెప్పాడు. గుజరాత్ బౌలర్లను చితగ్గొట్టాడు. స్నిన్నర్ రషీద్​ ఖాన్​ బౌలింగ్​లోనైతే వరుసగా మూడు సిక్సర్లు బాదాడు. దీంతో ఎవరితో బౌలింగ్ చేయించాలో తెలియక మిన్నకుండిపోయాడు హార్దిక్. దీనికి సంబంధించిన వీడియోలు సోషల్ మీడియాలో వైరల్ అవుతున్నాయి. ఈ ఘటనపై సంజూ ఫ్యాన్స్ స్పందిస్తూ.. తమ అభిమాన క్రికెటర్​ను స్లెడ్జింగ్ చేస్తే ఇలాగే ఉంటుందని అంటున్నారు. హార్దిక్.. మరోసారి సంజూతో పెట్టుకోకు అంటూ సలహాలు ఇస్తున్నారు.

pic.twitter.com/CJNw82UxPt

— Cricbaaz (@cricbaaz21) April 16, 2023

Action speaks louder than voice
Hardik Pandya tried to sledge Sanju Samson and rest is history 💪. Rajasthan Royals won the match with 4 balls to spare and table toppers 🔥. Never mess with #SanjuSamson#RRvsGT #GTvRR pic.twitter.com/DOfTNqUmD6

— Roshmi 💗 (@CricketwithRosh) April 16, 2023

Attack MODE 🔛! @IamSanjuSamson took on Rashid Khan & how 👌 👌

Watch those 3⃣ SIXES 💪 🔽 #TATAIPL | #GTvRR | @rajasthanroyals

Follow the match 👉 https://t.co/nvoo5Sl96y pic.twitter.com/0gG3NrNJ9z

— IndianPremierLeague (@IPL) April 16, 2023