గంభీర్​కు కోపం ఎక్కువని అనుకుంటున్నారు.. ఇంత మంచి మనసు ఉందా?

ఇండియన్ ప్రీమియర్ లీగ్​-2023తో మరోసారి వార్తల్లో నిలిచాడు గౌతం గంభీర్. క్రికెట్​కు చాన్నాళ్ల కిందటే గుడ్​బై చెప్పిన ఈ టీమిండియా మాజీ ఓపెనర్.. ఆ తర్వాత రాజకీయాల్లో బిజీ అయిపోయాడు. బీజేపీ తరఫున ఎంపీగా నిలబడి గెలిచాడు. అయితే రెండేళ్ల కింద ఐపీఎల్​లో లక్నో సూపర్ జెయింట్స్ జట్టు ఆఫర్ చేయడంతో ఆ టీమ్​కు మెంటార్​గా బాధ్యతలు చేపట్టాడు. ఒకవైపు రాజకీయాలు, మరోవైపు క్రికెట్​ను సమతూకం చేస్తూ వస్తున్నాడు. అయితే ఈ సీజన్​ ఐపీఎల్​లో మాత్రం గంభీర్ టాక్ ఆఫ్ ది టౌన్​గా మారాడు. విరాట్ కోహ్లీతో వివాదంతో ఒక్కసారిగా వార్తల్లో చర్చనీయాంశంగా మారాడు గంభీర్.

కోహ్లీతో గొడవలో గంభీర్ చూపించిన అగ్రెషన్ హాట్ టాపిక్​గా మారింది. ఈ గొడవలో ఎవరి తప్పు అనేది పక్కనబెడితే.. గంభీర్​కు కోపం ఎక్కువనేది మరోసారి బయటపడింది. గతంలోనూ మైదానంలో పలువురు ప్లేయర్లతో గొడవల సమయంలో గంభీర్​కు ఎంత కోపం ఉందో అందరూ చూశారు. కానీ ప్లేయర్ నుంచి కోచింగ్ స్టాఫ్​లో ఒకరిగా మారినా ఆయనకు కోపం తగ్గలేదనేది కోహ్లీతో రీసెంట్​ గొడవతో తేలిపోయింది. ఇదిలా ఉంటే.. గంభీర్​లో మరో యాంగిల్ కూడా ఉంది. ఆయనకు కోపమే కాదు వెన్న లాంటి మంచి మనసు కూడా ఉంది.

అడగ్గానే సాయం చేసేంత గొప్ప మనసు గంభీర్​కు ఉంది. ఈ విషయం తాజాగా మరోసారి నిరూపితమైంది. టీమిండియా సీనియర్ క్రికెటర్ రాహుల్ శర్మ అత్తయ్య అనారోగ్యంతో బాధపడుతున్నారు. బ్రెయిన్ హెమోరేజ్​తో బాధపడుతున్న తన అత్తయ్య చికిత్సకు అవసరమైన సాయాన్ని గంభీర్ చేశాడని రాహుల్ తెలిపాడు. తన అత్తయ్యతో కలసి దిగిన ఫొటోలను సోషల్ మీడియాలో పంచుకున్న రాహుల్ శర్మ.. ఆమె ఆపరేషన్​కు​ సాయం అందించాలని అడగ్గానే గంభీర్ వెంటనే స్పందించాడని చెప్పాడు. బెస్ట్ న్యూరాలజిస్ట్​తో సర్జరీ చేయించారని.. తన అత్తయ్య ఇప్పుడు ఆరోగ్యంగా ఉన్నారని రాహుల్ శర్మ చెప్పుకొచ్చాడు. దీంతో క్రికెట్ ఫ్యాన్స్ హర్షం వ్యక్తం చేస్తున్నారు. గంభీర్ గొప్ప మనసును చాటుకున్నాడని మెచ్చుకుంటున్నారు.

Gautam Gambhir financially helped Rahul Sharma whose mother in law was in critical condition.

A beautiful gesture by GG! pic.twitter.com/LB6x9OnpGL

— Mufaddal Vohra (@mufaddal_vohra) May 9, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.