వీడియో: రస్సెల్ కళ్లు చెదిరే క్యాచ్.. సూపర్ మ్యాన్ తరహాలో అమాంతం గాల్లోకి ఎగిరి..!

క్రికెట్​లో ఫీల్డింగ్ ప్రమాణాలు మునుపటి కంటే బాగా పెరిగాయి. టీ20 ఫార్మాట్​కు క్రేజ్ పెరగడంతో బౌలింగ్, బ్యాటింగ్​తో పాటు ఫీల్డింగ్​లో మెరుగుపడటం తప్పనిసరిగా మారింది. ఒకప్పుడు ఫీల్డింగ్​ను చాలా మంది ప్లేయర్లు తేలిగ్గా తీసుకునేవారు. ప్రతి జట్టులో ఒకరిద్దరు ప్లేయర్లు తప్పితే గొప్పగా ఫీల్డింగ్ చేసేవారు ఉండేవారు కాదు. కానీ టీ20 మ్యాచుల్లో ప్రతి క్యాచ్​ కూడా ఎంతో విలువైనదిగా మారింది. ఈ ఫార్మాట్​లో ఒక్క క్యాచ్, ఒక్క వికెట్​తో మ్యాచ్ స్వరూపమే మారిపోతోంది. దీంతో అన్ని జట్లు ఫీల్డింగ్​ మెరుగుపర్చుకోవడంపై దృష్టి సారించాయి. అందుకే గత కొన్నేళ్లుగా టీ20తో పాటు వన్డేలు, టెస్టుల్లోనూ ఆటగాళ్ల నుంచి ఫీల్డింగ్​లో మెరుపులను చూస్తున్నాం.

తాజాగా ఐపీఎల్​లో కోల్​కతా నైట్ రైడర్స్ ఆటగాడు ఆండ్రీ రస్సెస్ కళ్లు చెదిరే క్యాచ్​తో ఔరా అనిపించాడు. గురువారం సన్​రైజర్స్ హైదరాబాద్​తో జరిగిన మ్యాచ్​లో రస్సెల్.. సూపర్ డైవ్ క్యాచ్​తో అందర్నీ ఆకట్టుకున్నాడు. అసాధారణ క్యాచ్​తో ఎస్​ఆర్​హెచ్​ ఓపెనర్​ అభిషేక్ శర్మ (9)ను పెవిలియన్​కు పంపాడు రస్సెల్. అభిషేక్ కొట్టిన బాల్ చాలా ఎత్తుకు వెళ్లింది. అయితే చివరి వరకు బాల్​పై దృష్టి మరల్చని రస్సెల్ అద్భుతంగా దాన్ని ఒడిసిపట్టుకున్నాడు. సూపర్ మ్యాన్ తరహాలో గాల్లో ఎగురుతూ క్యాచ్ అందుకున్నాడు. దీంతో అభిషేక్ శర్మ బిత్తరపోయాడు. ఈ క్యాచ్​కు సంబంధించిన వీడియో నెట్టింట వైరల్ అవుతోంది. ఇకపోతే, ఈ మ్యాచ్​లో కేకేఆర్ గెలుపొందింది. ఆ జట్టు తొలుత బ్యాటింగ్ చేసి 171 రన్స్ చేయగా.. ఛేదనలో ఎస్​ఆర్​హెచ్​ 166 రన్స్ మాత్రమే చేసి ఓడిపోయింది.

Big Dre Russ dives and takes a blinder of a catch 🤯#IPLonJioCinema #TATAIPL #IPL2023 | @KKRiders @Russell12A pic.twitter.com/iEhmyCZBuJ

— JioCinema (@JioCinema) May 4, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.