follow us:
తెలుగు క్రికెటర్ అంబటి రాయుడు.. ఐపీఎల్ కి కూడా రిటైర్మెంట్ ప్రకటించాడు. చెన్నై-గుజరాత్ మధ్య జరిగే ఫైనల్ తన చివరి మ్యాచ్ అన్నాడు. ఇప్పుడు సడన్ గా ఈ నిర్ణయం తీసుకోవడంపై పెద్ద కారణమే ఉంది. ఇంతకీ అదేంటో తెలుసా?
ఆల్రెడీ అంతర్జాతీయ క్రికెట్ కు వీడ్కోలు పలికిన తెలుగు క్రికెటర్ అంబటి రాయుడు.. ఇప్పుడు ఐపీఎల్ కు కూడా రిటైర్మెంట్ ప్రకటించాడు. చెన్నై-గుజరాత్ మధ్య జరిగే ఐపీఎల్-2023 ఫైనల్ తన చివరి మ్యాచ్ అని అధికారికంగా ప్రకటించాడు. అందుకు సంబంధించిన ట్వీట్ కూడా చేశాడు. 37 ఏళ్ల రాయుడులో ఇంకా క్రికెట్ ఆడగలిగే సత్తా ఉంది. కానీ ఆ ఒక్క కారణం వల్లే ఈ సీజన్ సరిగా ఫెర్ఫార్మ్ చేయలేక, రిటైర్మెంట్ తీసుకున్నాడని అనిపిస్తోంది. ఇంతకీ ఏంటి సంగతి?
ఇక వివరాల్లోకి వెళ్తే.. గుంటూరుకి చెందిన అంబటి రాయుడు బ్యాటర్ కమ్ వికెట్ కీపర్. బాగా ఆడినప్పటికీ ఎందుకు సరైన ఛాన్సులు రాలేదు. ఇతడితోపాటు ఆడిన ధావన్ లాంటి బ్యాటర్లు టీమిండియాకు ఆడి స్టార్స్ అయిపోయారు. 2001 నుంచి క్రికెట్ ఆడుతున్న రాయుడు.. ఫస్ట్ క్లాస్ లో హైదరాబాద్, ఆంధ్రా, బరోడా, విదర్భ జట్లకు ప్రాతినిధ్యం వహించాడు. ఐపీఎల్ లో 2010-17 వరకు ముంబయి ఇండియన్స్, 2018 నుంచి ఇప్పటివరకు చెన్నై సూపర్ కింగ్స్ కి ఆడుతూ వచ్చాడు. చెన్నై-గుజరాత్ మధ్య ఫైనల్ జరిగి ఉంటే రాయుడు ఈపాటికే రిటైర్మెంట్ తీసుకునేవాడు కానీ వర్షం కారణంగా ఆ మ్యాచ్ రిజర్వ్ డేకి వాయిదా పడింది. దీంతో రాయుడు ఐపీఎల్ వీడ్కోలు కూడా సోమవారానికి జరిగింది.
రాయుడులో క్రికెట్ ఆడే సత్తా ఉన్నప్పటికీ రిటైర్మెంట్ తీసుకున్నాడు. దీనికి కారణం ఏపీ రాజకీయాలు. గత కొన్నాళ్ల నుంచి సీఎం జగన్ ని ప్రశంసిస్తూ ట్వీట్స్ వేస్తున్నాడు. ఇదంతా చూస్తుంటే పొలిటిషయన్ గా సెకండ్ ఇన్నింగ్స్ మొదలుపెట్టాలని చూస్తున్నాడు. వచ్చే ఏడాది శాసనసభ, లోక్ సభ ఎన్నికల ఉన్నాయి. ప్రస్తుత పరిస్థితులు చూస్తుంటే రాయుడు.. గుంటూరు నుంచి టికెట్ ఆశిస్తున్నాడు. అందుకే ఐపీఎల్ నుంచి తప్పుకోవాలని నిర్ణయం తీసుకున్నట్లు తెలుస్తోంది. అంతర్జాతీయ క్రికెట్ లో ఏ మాత్రం ప్రభావం చూపించలేకపోయాడు గానీ ఐపీఎల్ లో మాత్రం ముంబయి, చెన్నైకి ఆడుతూ తనదైన ముద్ర వేశాడు. సో అదనమాట విషయం. పూర్తి క్రికెట్ కి రాయుడు రిటైర్మెంట్ ప్రకటించడంపై మీరేం అనుకుంటున్నారు? కింద కామెంట్ చేయండి.
2 great teams mi nd csk,204 matches,14 seasons,11 playoffs,8 finals,5 trophies.hopefully 6th tonight. It’s been quite a journey.I have decided that tonight’s final is going to be my last game in the Ipl.i truly hav enjoyed playing this great tournament.Thank u all. No u turn 😂🙏
— ATR (@RayuduAmbati) May 28, 2023
