MS Dhoni: బ్యాటింగ్‌కు వచ్చే ముందు ధోని బ్యాట్‌ని ఎందుకు కొరికాడు?

ఐపీఎల్‌ 2022లో ఆదివారం చెన్నై సూపర్‌ కింగ్స్‌, ఢిల్లీ క్యాపిటల్స్‌ మధ్య జరిగిన మ్యాచ్‌లో ధోని తన బ్యాట్‌ ఝుళిపించాడు. చివర్లో CSKకు కావాల్సిన ఫినిషింగ్‌ను ఇచ్చాడు. 8 బంతుల్లో ఒక ఫోర్‌, 2 సిక్సులు కొట్టి 21 పరుగులు చేసి నాటౌట్‌గా నిలిచాడు. దీంతో చెన్నై 208 పరుగుల భారీ టార్గెట్‌ను ఢిల్లీకి ఇచ్చింది. కాగా.. బ్యాటింగ్‌కు వచ్చే ముందు ధోని బ్యాట్‌ను కొరుకుతూ కనిపించాడు. దీంతో ధోని బ్యాట్‌ కొరికే ఫొటోలు సోషల్‌ మీడియాలో తెగ వైరల్‌ అయ్యాయి. ధోని అలా ఎందుకు చేస్తున్నాడో అర్థం కాక.. తెలుసుకోవాలని చాలా మంది తెలుసుకోవాలనే ఉత్సుకతను చూపించారు.

ఈ విషయంపై టీమిండియా మాజీ క్రికెటర్‌ అమిత్‌ మిశ్రా స్పందిస్తూ.. ధోని అలా బ్యాట్‌ను ఎందుకు కొరుగుతున్నాడో వివరించాడు. ధోని తన బ్యాట్‌ను చాలా శుభ్రంగా ఉంచుకుంటాడని.. బ్యాట్‌పై టేప్‌, దారాలు లాంటి ఉంటే ఇలా నోటితో తీసేస్తాడని అన్నాడు. అందుకు ఆదివారం ఢిల్లీతో మ్యాచ్‌ సందర్భంగా కూడా ధోని బ్యాటింగ్‌ వచ్చే ముందు ఇలా బ్యాట్‌పై ఉన్న టేప్‌, దారాలు వంటి వాటిని కొరికి ఉంటాడని మిశ్రా అభిప్రాయపడ్డాడు. మరి ధోని బ్యాట్‌ను కొరుకుతున్న ఫొటోలు వైరల్‌ అవ్వడానికి తోడు అతను ఎందుకలా చేశాడనే విషయం తెలుసుకునేందుకు చాలా మంది ధోని ఫ్యాన్స్‌ గూగుల్‌ సెర్చ్‌ చేయడం విశేషం.

ఇక మ్యాచ్‌ విషయానికి వస్తే.. తొలుత బ్యాటింగ్ చేసిన CSK నిర్ణీత 20 ఓవర్లలో 6 వికెట్లకు 208 పరుగులు చేసింది. ఓపెనర్ డెవాన్ కాన్వే(49 బంతుల్లో 7 ఫోర్లు, 5 సిక్సర్లతో 87) భారీ ఇన్నింగ్స్ ఆడగా.. ధోనీ (8 బంతుల్లో 2 సిక్స్‌లు, ఫోర్‌తో 21 నాటౌట్) సూపర్ ఫినిష్ అందించాడు. ఈ ఇద్దరి విధ్వంసానికి తోడుగా రుతురాజ్ గైక్వాడ్(33 బంతుల్లో 4 ఫోర్లు, సిక్స్‌తో 41), శివమ్ దూబే(19 బంతుల్లో 2 ఫోర్లు, 2 సిక్స్‌లతో 32) రాణించారు. ఢిల్లీ బౌలర్లలో అన్రిచ్ నోర్జ్ మూడు వికెట్లు తీయగా.. ఖలీల్ అహ్మద్ రెండు వికెట్లు పడగొట్టాడు. మిచెల్ మార్ష్‌కు ఓ వికెట్ దక్కింది. అనంతరం లక్ష్యచేధనకు దిగిన ఢిల్లీ.. 17.4 ఓవర్లలో 117 పరుగులకు కుప్పకూలి ఘోర పరాజయాన్ని చవిచూసింది. ఈ సీజన్‌కు ముందు నుంచి ధోనినే కెప్టెన్‌గా ఉంటే.. CSK వేరే లెవెల్లో ఉండేదని ఫ్యాన్స్‌ అంటున్నారు. మరి ధోని బ్యాట్‌ కొరకడంపై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: CSK ప్లే ఆఫ్స్‌ ఆశలు సజీవం.. ఇలా జరిగేతే చెన్నై ప్లే ఆఫ్స్‌ కి చేరడం పక్కా!

In case you’re wondering why Dhoni often ‘eats’ his bat. He does that to remove tape of the bat as he likes his bat to be clean. You won’t see a single piece of tape or thread coming out of MS’s bat. #CSKvDC #TATAIPL2022

— Amit Mishra (@MishiAmit) May 8, 2022

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.