IPL 2022 నిబంధనల్లో కొత్త మార్పులు!

ఐపీఎల్‌ 2022 ప్రారంభం అయ్యేందుకు ఇంకా కొద్ది రోజులు మాత్రమే ఉన్నాయి. మార్చి 26 నుంచి పొట్టి క్రికెట్ సమరం మొదలు కానుంది. ఈసారి రెండు కొత్త ఫ్రాంచైజీల ఎంట్రీతో సీజన్ మరింత రసవత్తరంగా మారనుంది. అయితే ఈ సీజన్ ను ఇంకా ప్రత్యేకంగా మార్చాలని చూస్తున్న బీసీసీఐ ఐపీఎల్‌ నిబంధనల్లో కొత్త మార్పులు చేయనున్నట్లు తెలుస్తోంది. అడపాదడపా క్రికెటర్లు కరోనా బారినపడుతున్న నేపథ్యంలో.. ఆటగాళ్లకు కరోనా సోకితే మ్యాచ్‌ పరిస్థితి ఎంటనే దానిపై కూడా ఓ క్లారిటీ వచ్చే అవకాశం ఉన్నట్లు తెలుస్తోంది. ఓ బీసీసీఐ అధికారి తెలిపిన వివరాల ప్రకారం కొత్త మార్పులు ఇలా ఉండే అవకాశం ఉంది.

ఇదీ చదవండి: కోహ్లీతో సెల్ఫీ దిగిన కుర్రాడు అరెస్ట్! ఎందుకంటే?

• గతంలో మ్యాచ్ కు ముందు ఓ జట్టు కరోనా బారిన పడితే.. ఆడేందుకు సరైన 11 మంది ప్లేయర్లు లేనిపక్షంలో మ్యాచ్ ను రీషెడ్యూల్ చేసేవారు. అయితే ఆటగాళ్లు కరోనా బారినపడితే ఏం చేయాలనే దానిపై కచ్చితమైన ప్రణాళిక రూపొందిచినట్లు తెలుస్తోంది. ఇప్పుడు కూడా అలా రీషెడ్యూల్ చేయడానికే చూసే అవకాశాలు ఉన్నాయి. అది కూడా సాధ్యం కాని పక్షంలో ఐపీఎల్ టెక్నికల్ టీమ్ దృష్టికి తీసుకెళ్తార. వారి నిర్ణయమే అంతిమం.
• గతంలో ఒక మ్యాచ్ లో ఒక ఇన్నింగ్స్ లో జట్టుకు ఒక రివ్యూ కోరే అవకాశం ఇచ్చేవారు. రానున్న సీజన్ లో ఒక ఇన్నింగ్స్ లో రెండు రివ్యూలు కోరే అవకాశం ఇవ్వనున్నట్లు తెలుస్తోంది. ఒక్కో జట్టు ఒక్కో ఇన్నింగ్స్ లో రెండు రివ్యూలు చొప్పున తీసుకోవచ్చు.
• ఇటీవల మెల్ బోర్న్ క్రికెట్ క్లబ్ ఓ కొత్త నిబంధన తీసుకొచ్చింది. బ్యాట్స్ మన్ క్యాచ్ అవుట్ అయిన సందర్భాల్లో.. క్రీజులోకి వచ్చే ఆటగాడే స్ట్రైకింగ్ చేయాలి. ఆ నిబంధనను ఐపీఎల్ లో ఈ సీజన్ నుంచే అమలు చేయాలని భావిస్తున్నట్లు తెలుస్తోంది. అంటే క్యాచ్ అవుట్ అయిన సందర్భాల్లో నాన్ స్ట్రైకర్ అదర్ ఎండ్ కు వెళ్లినా కూడా అతనికి స్ట్రైకింగ్ రాదు.
• ప్లేఆఫ్స్, ఫైనల్ వంటి ముఖ్యమైన మ్యాచుల్లో ఫలితం తేలకపోతే సూపర్ ఓవర్ నిర్వహిస్తారు. అయితే కొత్త రూల్స్ ప్రకారం నిర్ణీత సమయంలో సూపర్ ఓవర్ నిర్వహించడం కుదరని పక్షంలో పాయింట్ల పట్టికలో ఏ టీమ్ మెరుగ్గా ఉంటుందో ఆ జట్టునే విజేతలుగా ప్రకటిస్తారని అధికారి తెలిపారు. ఐపీఎల్ కొత్త నిబంధనలపై మీ అభిప్రాయాలను కామెంట్స్ రూపంలో తెలియజేయండి.

Few New Rules for IPL 2022. (Source – Cricbuzz) pic.twitter.com/XWA4S6ODW6

— CricketMAN2 (@ImTanujSingh) March 14, 2022

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.