మాజీ విశ్వసుందరి, బాలీవుడ్ నటి ఐశ్వర్యరాయ్ పేరుతో నకిలీ పాస్‌పోర్ట్‌ కలకలం సృష్టించింది. ప్రజలను మోసం చేస్తున్న నైజీరియన్ ముఠాను అదుపులోకి తీసుకున్న పోలీసులు, వారు ఉంటున్న నివాసాన్ని సోదా చేయగా బాలీవుడ్ నటి ఐశ్వర్యరాయ్ బచ్చన్‌ పేరిట తయారుచేసిన నకిలీ పాస్‌పోర్ట్‌ బయటపడింది. ఈ ముఠా సభ్యుల నుంచి 1.3 మిలియన్ విలువ చేసే నకిలీ అమెరికా డాలర్లు, 10,500 యూరోలు, ఆరు మొబైల్స్, 11 సిమ్‌లు, ల్యాప్‌టాప్, ప్రింటర్, పెన్ డ్రైవ్, 3 కార్లను పోలీసులు స్వాధీనం చేసుకున్నారు.
పోలీసులు తెలిపిన వివరాల ప్రకారం.. ఈ ముఠా సభ్యులు తమ సహచరులతో కలిసి సైబర్ నేరాలకు పాల్పడేవారని తెలిపారు. ఫేస్‌బుక్‌లో ఫ్రెండ్స్‌గా మారి ప్రజలను మోసం చేస్తూ వారినుంచి అందినకాడికి దోచుకోవడమే వీరి పని చెప్తున్నారు. అంతేకాకుండా.. కస్టమ్ ఆఫీసర్లమంటూ ప్రజలను బురిడీ కొట్టిస్తారని వెల్లడించారు. ఆఖరికి ఆర్మీ రిటైర్డ్ కల్నల్‌ను కూడా ఈ నేరగాళ్లు వదిలిపెట్టలేదు. యూపీకి చెందిన రిటైర్డ్ కల్నల్ ఆఫీసర్ ని ఈ ముఠా సహజ మూలికలతో తయారు చేసిన క్యాన్సర్ మెడిసిన్ సరఫరా చేస్తామని ట్రాప్ చేసింది. వారి మాటలు నమ్మిన ఆర్మీ అధికారి దశల వారీగా 1 కోటి 81 లక్షలను చెల్లించాడు.
Aishwarya Rai’s Fake Passport Recovered From 3 Foreigners Involved In Rs 1.80 Cr Fraud In Noida#viral #news #trending https://t.co/aTJrltMsWg
— Indiatimes (@indiatimes) December 16, 2022
తర్వాత ముఠా నుంచి స్పందన లేకపోవడంతో.. కల్నల్ పోలీసులకు ఫిర్యాదు చేశారు. ఆయన ఫిర్యాదు మేరకు పోలీసులు విచారణ ప్రారంభించి నిందితులని అదుపులోకి తీసుకున్నారు. పోలీసులు పట్టుకున్న నిందితులను ఐకే ఉఫెరెమ్‌వుక్వే, ఎడ్విన్ కొల్లిన్స్, ఓకోలోయ్ డామియన్‌లుగా గుర్తించారు. వీరు గతంలో కస్టమ్స్ ఆఫీసర్లుగా, లాటరీ తగిలినట్టు జనాలను నమ్మించి పెద్ద ఎత్తున సైబర్ నేరాలకు పాల్పడినట్టు గుర్తించారు. గ్రేటర్ నోయిడాలోని రాంపూర్ మార్కెట్ సమీపంలో పోలీసులు వారిని అరెస్టు చేశారు. కల్నల్ ఫిర్యాదుతో అదే తరహాలో మాకూ మెడిసిన్ కావాలని అప్రోచ్ అయ్యి పోలీసులు వీరిని అదుపులోకి తీసుకున్నారు.
In UP’s Noida, 3 foreign nationals including 2 from Nigeria and one from Ghana were arrested on charges of online fraud. Counterfeit currency ($ & €) worth ₹ 11 crore, equipments and fake passport of actress Aishwarya Rai was recovered from them. pic.twitter.com/QKKVDQ48oD
— Piyush Rai (@Benarasiyaa) December 16, 2022
