follow us:
మనం కారు కొనాలి అనుకుంటే షోరూమ్ కి వెళ్లి మనకు నచ్చిన కలర్, మోడల్ చూసి తీసుకుంటాం. ఒక్కొక్కసారి కారు కొన్నాక.. బయట వేరే కారు చూసి ఆ కలర్ కొనుంటే బాగుండేదిగా అనే ఫీలింగ్‌ వస్తుంటుంది. కానీ, కలర్ కి ఒక కారు కొనడం అంటే కష్టం కదా. అయితే.. ఒకే కారు మనకు నచ్చిన రంగుల్లోకి మారితే.. ఎంత బాగుంటుంది? ఇది నిజం కాబోతుంది. క్షణాల్లో రంగులు మారే కారు త్వరలో మార్కెట్లోకి రానుంది!
BMW HAS A COLOR CHANGING CAR IN LAS VEGAS RIGHT NOW! #CES2022 pic.twitter.com/vgKMDiRedE
— The Kilowatts 🚗⚡️ (@klwtts) January 5, 2022
జర్మనీకి చెందిన ప్రముఖ విలాసవంతమైన కార్ల తయారీ సంస్థ BMW.. ఐఎక్స్ ఫ్లో పేరుతో రంగులు మారే కారును రూపొందించింది. బటన్ నొక్కగానే కలర్ మారిపోవడం ఈ కారు ప్రత్యేకత! ఈ వినూత్న ఎలక్ట్రిక్ కారు ను లాస్ వేగస్‌ లో జరుగుతున్న కన్స్యూమర్ ఎలక్ట్రానిక్స్ షో(CES-2022)లో ఆవిష్కరించింది. BMW ఐఎక్స్ ఫ్లో కారును ప్రత్యేకమైన ‘ఎలక్ట్రోఫొరెటిక్’ టెక్నాలజీతో రూపొందించారు. ఈ-ఇంక్ కంపెనీ సహకారంతో ఈ టెక్నాలజీని కారులో వినియోగించారు.
It don’t matter if your black or white! pic.twitter.com/D8eOHa6sXu
— The Kilowatts 🚗⚡️ (@klwtts) January 5, 2022
CES-22 షోలో కారు ఆవిష్కరణ సందర్భంగా బీఎండబ్ల్యూ ప్రతినిధులు మాట్లాడుతూ.. “మీరు వేసుకునే దుస్తులను నచ్చిన కలర్ లో ఎంపిక చేసుకుంటారు. అదే విధంగా ఇప్పుడు ఎంచక్కా మీరు కారు రంగును కూడా ఎంచుకోవచ్చు” అని చెప్పారు. ఈ కారు పూర్తి ఫీచర్ల గురించి ఈ సంస్థ వెల్లడించలేదు. ఇలా రంగులు మారే టెక్నాలజీ వల్ల కారులో ఎయిర్ కండిషనింగ్ వ్యవస్థ సామర్థ్యాలూ మెరుగుపడతాయని ఆ సంస్థ తెలిపింది. భవిష్యత్తులో కారు లోపలి ఇంటీరియర్ రంగులను కూడా మార్చే అవకాశం ఉంటుందని వెల్లడించింది. ఈ మోడల్ కు సంబంధించిన ఓ వీడియోను ఈ సంస్థ ట్విటర్ ఖాతాలో పోస్ట్ చేసింది. త్వరలో ఇలా రంగులు మార్చే కారు మార్కెట్లోకి రానుంది. దీనిపై మీ అభిప్రాయాలను కామెంట్స్ రూపంలో తెలియజేయండి.
It’s basically a Kindle on wheels! 📖 pic.twitter.com/jA0tDQ8Qqp
— The Kilowatts 🚗⚡️ (@klwtts) January 6, 2022
