వేతన జీవులకు తీపి కబురు.. ఆదాయపు పన్ను మినహాయింపు పరిమితి పెంపు!

2023-24 ఆర్థిక సంవత్సరానికిగానూ కేంద్ర బడ్జెట్‌ను ఆర్థిక మంత్రి నిర్మలా సీతారామన్‌ లోక్‌సభలో ప్రవేశపెట్టారు. అనంతరం బడ్జెట్‌పై ఆమె ప్రసంగిస్తూ.. వేతన జీవులకు తీపి కబురు చెప్పారు. ఆదాయ పన్ను మినహాయింపును రూ. 5 లక్షల నుండి రూ. 7 లక్షలకు పెంచుతున్నట్లు వెల్లడించారు. దీంతో రూ. 7 లక్షల వార్షికాదాయం ఉన్న వారు ఎలాంటి టాక్స్ చెల్లించాల్సిన అవసరం లేదు. అయితే ఇది కొత్త ఆదాయపు పన్ను విధానాన్ని ఎంచుకున్న వారికి మాత్రమే వర్తిస్తుంది. అలాగే, రూ. 7 లక్షలు దాటాక ఐదు స్లాబుల్లో పన్ను విధించనున్నారు.

2023-24 బడ్జెట్‌లో ప్రవేశపెట్టిన కొత్త పన్ను స్లాబ్

• ఆదాయపు పన్ను మినహాయింపు రూ.5 నుంచి 7 లక్షల వరకు పెంపు..
• ఆదాయం రూ.7 లక్షలు దాటితే ఐదు స్లాబుల్లో పన్నులు..

వ్యక్తిగత ఆదాయపన్ను కొత్త ట్యాక్స్ శ్లాబ్‌లు

• రూ.0 లక్షల నుంచి రూ.3 లక్షల వరకు 0 శాతం పన్ను,
• రూ.3 లక్షల నుంచి రూ.6 లక్షల వరకు 5 శాతం పన్ను,
• రూ.6 లక్షల నుంచి రూ.9 లక్షల వరకు 10 శాతం పన్ను,
• రూ. 9 లక్షల నుంచి 12 లక్షల వరకు 15 శాతం పన్ను,
• రూ.12 లక్షల నుంచి రూ.15 లక్షల వరకు 20 శాతం పన్ను,
• రూ.15 లక్షలకు పై ఉంటే 30 శాతం పన్ను,
• 15 లక్షలు దాటితే 30 శాతం పన్ను వర్తిస్తుంది.

#UnionBudget2023 | Personal Income Tax: “The new tax rates are 0 to Rs 3 lakhs – nil, Rs 3 to 6 lakhs – 5%, Rs 6 to 9 Lakhs – 10%, Rs 9 to 12 Lakhs – 15%, Rs 12 to 15 Lakhs – 20% and above 15 Lakhs – 30%, ” says Union Finance Minister Nirmala Sitharaman pic.twitter.com/li3dXsHGfA

— ANI (@ANI) February 1, 2023