ఫోన్​ ఛార్జింగ్ తగ్గితే క్యాబ్ ఛార్జీలు పెరుగుతాయా? షాకింగ్ రిపోర్ట్!

సాంకేతికత రోజురోజుకీ మరింతగా అభివృద్ధి చెందుతోంది. స్మార్ట్ ఫోన్ల వినియోగం బాగా పెరిగినప్పటి నుంచి టెక్నాలజీ అందరికీ అందుబాటులోకి వచ్చేసింది. ఫోన్ చేతిలో ఉంటే అన్నీ మన దగ్గర ఉన్నట్లే అనేలా పరిస్థితి తయారైంది. ఏదైనా కొనాలన్నా యూపీఐ యాప్స్​తో పేమెంట్స్ చేసేస్తున్నారు. ఫుడ్ కావాలన్నా మొబైల్​లో నుంచే ఆర్డర్ చేస్తున్నారు. ఇంక ఎక్కడికైనా వెళ్లాలన్న ఓలా, ఉబర్ లాంటి ట్యాక్సీ సర్వీసులను ఫోన్​లోనే బుక్ చేసుకుంటున్నారు. అయితే ఈ ట్యాక్సీ సర్వీసుల్లో చెల్లింపుల గురించి కొన్ని సందేహాలు ఎప్పటి నుంచో ఉన్నాయి. ఈ సమస్య మీద ఒక బెల్జియన్ వార్తాపత్రిక రీసెంట్​గా కొన్ని నిజాలను బయటపెట్టింది.

ఉబర్ క్యాబ్స్ మొబైల్​ ఫోన్​లో బ్యాటరీ తక్కువగా ఉన్నప్పుడు ఒక ఛార్జ్, ఎక్కువగా ఉన్నప్పుడు మరోలా ఛార్జ్ వసూలు చేస్తున్నట్లు ఒక రీసెర్చ్ ద్వారా వెల్లడైంది. దీనికి కొన్ని ఉదాహరణలను కూడా ఆ పరిశోధన చూపించింది. డెర్నియల్ హ్యూర్ బ్రస్సెల్స్​లోని కార్యాలయం నుంచి సిటీ సెంటర్​కు వెళ్లేందుకు రెండు ఐఫోన్ మొబైల్స్ ద్వారా ట్యాక్సీ బుక్ చేశారు. 84 శాతం ఛార్జ్ ఐఫోన్​లో 16.6 యూరోలు (రూ.1,498), 12 శాతం బ్యాటరీ ఉన్న ఫోన్​కు 17.56 యూరోలు (రూ.1,585) చూపించింది. దీంతో ఫోన్​ ఛార్జింగ్​లో ఉన్న తేడా ట్రిప్ ఛార్జ్​ మీద ప్రభావం చూపిస్తోందని నిరూపితమైంది. కాగా, దీనిపై ఉబర్ సంస్థ స్పందిస్తూ.. బ్యాటరీ లెవల్స్ ఏ విధంగా ఉన్నా ధరల మధ్య ఎలాంటి వ్యత్యాసం ఉండదని, ఫోన్​ ఛార్జింగ్​కు ధరలకు ఎటువంటి సంబంధం లేదని స్పష్టం చేసింది.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.