రైతులకు శుభ వార్త.. ఆ తేదీ లోపు ఖాతాల్లో జమ కానున్న 13వ విడత డబ్బులు!

కేంద్ర ప్రభుత్వం అమలు చేస్తున్న అనేక పథకాల్లో పీఎం కిసాన్ సమ్మాన్ యోజన ఒకటి. దేశంలో అన్నదాతలను ఆదుకునేందుకు కేంద్ర ప్రభుత్వం 2019లో ఈ పథకం తీసుకొచ్చింది. ఈ పథకం కింది ప్రతి ఏటా రైతులకు రూ. 6 వేలను పెట్టుబడి సాయంగా అందిస్తున్నారు. ఈ మొత్తాన్ని మూడు విడతల్లో అంటే నాలుగు నెలలకు ఒక్కసారి రూ.2 వేల చొప్పున అన్నదాతల ఖాతాల్లో జమా చేస్తారు. దీనికోసం వేలాది కోట్ల రూపాయలను ప్రభుత్వం బడ్జెట్ లో కేటాయించి.. ఆ నిధులను రైతుల ఖాతాల్లో జమ చేయడం జరుగుతోంది. ఇప్పటికే 12 విడతలుగా రూ.24 వేలు అన్నదాత బ్యాంకు ఖాతాల్లో జమ చేశారు. ఇప్పుడు 13వ విడత డబ్బులు జమ కావాల్సి ఉంది.

నివేదికల ప్రకారం.. పీఎం కిసాన్ 13వ విడత డబ్బులు ఈ ఏడాది డిసెంబర్ 15 నుంచి 20 వరకు విడుదలయ్యే అవకాశం ఉన్నట్లుతెలుస్తోంది. అయితే దీనిపై ప్రభుత్వం నుంచి ఎలాంటి అధికారిక ప్రకటన వెలువడలేదు. ఇక దీనికి సంబంధించిన పూర్తి వివరాలను కేంద్ర pmkisan.gov.inలో అందుబాటులో ఉంచుతుంది. ఇక వీటికి అర్హులైన రైతులు PM కిసాన్ యోజనను ఆన్‌లైన్‌లో దరఖాస్తు చేసుకోవచ్చు. కాగా, 12వ విడత నుంచి ప్రభుత్వం e-KYC తప్పనిసరి చేసిన సంగతి తెలిసిందే.

ఎన్ని విడదల డబ్బు జమ అయ్యిందో ఇలా చెక్ చేసుకోండి..

• 1: ముందుగా https://pmkisan.gov.in/ అధికారిక వెబ్‌సైట్‌కి వెళ్లాలి.
• 2: హోమ్ పేజీలో బెనిఫిషియరీ స్టేటస్ ఆప్షన్‌పై క్లిక్ చేయాలి.
• 3: ఆ తర్వాత కొత్త పేజీ ఓపెన్ అవుతుంది.
• 4: మీ మొబైల్ నంబర్, క్యాప్చ కోడ్ ఎంటర్ చేసి సడ్మిట్ చేయాలి.
• 5: ఎన్ని విడతల డబ్బు వచ్చిందో అందులో తెలుస్తుంది

e-KYC ఎలా చేసుకోవాలంటే..

• 1: ముందుగా అధికారిక వెబ్ సైట్ pmkisan.nic.in కి లాగిన్ అవ్వాలి.
• 2: అందులో Farmers Corner కింద ఉన్న eKYC ఆప్షన్ ఎంపిక చేసుకోవాలి.
• 3: OTP ఆధారిత eKYC కోసం మీ ఆధార్ నంబర్ ఎంటర్ చేయాలి.
• 4: ఆ తరువాత సెర్చ్ ఆఫ్షన్ పై క్లిక్ చేయాలి.
• 5: ఆపై ఆధార్ లింక్ చేయబడిన మెుబైల్ నంబర్ ఎంటర్ చేసి.. Get OTP ఆప్షన్ పై క్లిక్ చేయాలి.
• 6: ఇప్పుడు మీ మెుబైల్ కు వచ్చిన ఓటీపీ నంబర్ ఎంటర్ చేయండి.
•  7: అందించిన వివరాలు పూర్తిగా వెరిఫికేషన్ అయ్యాక eKYC ప్రక్రియ పూర్తవుతుంది.