దేశంలో ఎక్కువ అమ్ముడుపోయిన కార్లు, బైక్​‌లు ఇవే..!

దేశంలో వాహన వినియోగం అంతకంతకూ పెరుగుతోంది. ముఖ్యంగా కరోనా మహమ్మారి వచ్చిన నాటి నుంచి వాహనాల అమ్మకాలు విపరీతంగా పెరిగాయి. ఎక్కువ మంది కార్ల కొనుగోలుకే మక్కువ చూపుతున్నారు. ఫలితంగా ఇండియా.. ప్రపంచంలోనే మూడో అతిపెద్ద ఆటోమొబైల్​ మార్కెట్​ గా అవతరించింది. వీటిల్లో అత్యంత ప్రజాదారణ పొందిన కార్లు, బైకులు​ ఏవి? అన్న విషయంపై ఓ ఆటో ఈ-కామర్స్​ సంస్థ సర్వే చేపట్టగా ఆసక్తికర ఫలితాలు వెల్లడయ్యాయి.

డ్రూమ్స్​ యాన్యువల్ ​’ఇండియా ఆటోమొబైల్​ ఈ-కామర్స్​ రిపోర్ట్​’ ప్రకారం.. 2022లో దేశంలో అత్యంత ప్రజాదారణ పొందిన కారుగా కొరియన్​ ఆటోమొబైల్ సంస్థ ‘హ్యుందాయ్​’కు చెందిన క్రేటా ఎస్​యూవీ అగ్రస్థానంలో నిలిచింది. ఇక రెండో స్థానంలో మరో కొరియన్​ సంస్థకు చెందిన కియా సెల్టోస్​ నిలవగా, దేశీయ ఆటో దిగ్గజం మారుతీ సుజుకీ బ్రెజా మూడో స్థానంతో సరిపెట్టుకుంది. ఇక ఎంపీవీ- పెద్ద ఎస్​యూవీల జాబితాలో తొలి రెండు స్థానాల్లో ఇన్నోవా క్రిస్టా, ఫార్చ్యునర్​లు నిలిచాయి.

ఇక టూ వీలర్​ సెగ్మెంట్​ల విషయానికొస్తే.. హీరో మోటోకాప్​తో పోల్చుకుంటే బజాజ్​ ఆటో మోడల్స్ పై ప్రజలు ఎక్కువ మక్కువ చూపుతున్నారు. యువత ఎక్కువగా బజాజ్​ పల్సర్​ వైపే మొగ్గుచూపినట్లు తాజా అధ్యయనంలో తేలింది. తరువాతి స్థానాల్లో హీరో స్ప్లెండర్ ప్లస్, బజాజ్ పల్సర్ ఎన్​ఎస్,టీవీఎస్​ అపాచీ ఆర్​టీఆర్​, హోండా సీబీ షైన్​ నిలిచాయి. ఇక లగ్జరీ బైక్స్​ సెగ్మెంట్​లో రాయల్​ ఎన్​ఫీల్డ్​ ఇంటర్​సెప్టర్​, హార్లీ డేవిడ్​సన్​ స్ట్రీట్​ 750, కవాసాకీ నింజా జెడ్​ఎక్స్​-10ఆర్​ వంటివి తొలి మూడు స్థానాల్లో నిలిచాయి.

ఈ సర్వేలో తేలిన మరో ముఖ్య విషయం.. రాను.. రాను.. ఆటోమెటిక్​ గేర్​బాక్స్​ ఉన్న వాహనాలకు ఆదరణ పెరుగుతోందని స్ఫష్టమైంది. 2015లో ఆటోమెటిక్​ గేర్​బాక్స్​ వాహనాల వాటా 23శాతంగా ఉండగా, 2022కు అది 33శాతానికి పెరిగింది. అదే సమయంలో డీజిల్​ వాహనాల కొనుగోళ్లు తగ్గుముఖం పడుతున్నట్లుగా తేలింది. 2021లో 60శాతంగా ఉన్న డీజిల్​ వాహనాల వాటా.. 2022లో 53శాతానికి పడిపోయింది. ఇక మొత్తం వాహనాల విక్రయాల్లో ఎలక్ట్రిక్​ వెహికిల్స్​ వాటా 1శాతంగానే ఉందని సర్వేలో వెల్లడైంది. మీకు ఏ కారు..? ఏ బైక్ అంటే ఇష్టమో.. అభిపాయాలను కామెంట్ల రూపంలో తెలియజేయండి.

Hyundai Creta, Bajaj Pulsar Emerges As Most Popular Car and Bike: Droom India Automobile Ecommerce Report 2022https://t.co/aXCrTw5weC#HyundaiCreta #BajajPulsar #Hyundai #Bajaj @HyundaiIndia #Droom

— LatestLY (@latestly) February 27, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.