ముఖేష్ అంబానీ కీలక నిర్ణయం.. కొత్త వ్యాపారంలోకి ఎంట్రీ!

ప్రముఖ పారిశ్రామికవేత్త, అపర కుబేరుడు ముఖేష్​ అంబానీ కీలక నిర్ణయం తీసుకున్నారు. ఇప్పటికే టెలికామ్, రీటైల్ రంగాల్లో దూసుకెళ్తున్న రిలయన్స్ ఇప్పుడు మరో రంగంలోకి ప్రవేశించనుంది. హెల్త్ కేర్ సెక్టార్​లోకి ఎంట్రీ ఇవ్వనుంది. జియో తరహాలో మరో సునామీ సృష్టించేందుకు రిలయన్స్ ఇండస్ట్రీస్ సిద్ధమవుతోంది. స్థానిక ధరల కంటే తక్కువకే జినోమ్ మ్యాపింగ్ పరీక్షలను అందుబాటులోకి తీసుకొచ్చేందుకు సన్నద్ధమవుతున్నట్లు రిలయన్స్ వర్గాలు పేర్కొన్నాయి. క్యాన్సర్​లు, న్యూరో డీజనరేటివ్ వ్యాధులు, గుండె సంబంధిత ప్రమాదాల వంటి వ్యాధులు, వాటి ప్రభావాలను తెలుసుకునేందుకు జినోమ్ మ్యాపింగ్స్​ను వినియోగిస్తారు.

ఈ ప్రొఫైల్​ను స్ట్రాండ్ లైఫ్ సైన్సెస్ డెవలప్ చేసింది. తాము తయారు చేసిన జినోమ్ సీక్వెన్సింగ్​ కిట్​ను రూ.12 వేలకే అందుబాటులోకి తీసుకొస్తున్నట్లు స్ట్రాండ్ లైఫ్ సైన్సెస్ ప్రైవేట్ లిమిటెడ్ సీఈవో రమేష్ హరిహరన్ వెల్లడించారు. మార్కెట్ రేట్లతో పోలిస్తే ఇది దాదాపుగా 86 శాతం తక్కువని హరిహరన్ తెలిపారు. ప్రపంచంలోనే అత్యంత చౌకైన జినోమిక్ ప్రొఫైల్ ఇదేనన్నారు. ఈ పరీక్ష ఔషధాల అభివృద్ధికి సాయపడే జీవసంబంధిత డేటా రిపోజిటరీని తయారు చేయడానికీ అనుమతిస్తుందని పేర్కొన్నారు. కాగా, బెంగళూరుకు చెందిన స్ట్రాండ్ లైఫ్ సైన్సెస్ ప్రైవేట్ లిమిటెడ్​ సంస్థలో దాదాపు 80 శాతం వాటాలను రిలయన్స్ గ్రూప్ 2021లోనే కొనుగోలు చేసింది.

అలాంటి స్ట్రాండ్ లైఫ్ సైన్సెస్ కంపెనీ రూపొందించిన జినోమ్ మ్యాపింగ్ టెస్ట్ కిట్స్​ను మార్కెటింగ్ చేయాలని రిలయన్స్ భావిస్తోంది. కొన్ని జన్యుపరమైన రుగ్మతలు, వ్యాధులను గుర్తించడానికి జినోమ్ మ్యాపింగ్ పరీక్షలను ఉపయోగిస్తారు. మైజియో యాప్​లో రాబోయే వారాల్లో ఈ టెస్ట్​ను దూకుడుగా ప్రమోట్ చేయాలని రిలయన్స్ సంస్థ ప్లాన్ చేస్తోంది. మరి.. హెల్త్ కేర్ సెక్టార్​లో రిలయన్స్ ఇండస్ట్రీస్ సక్సెస్ అవుతుందని మీరు భావిస్తున్నారా? అయితే మీ అభిప్రాయాలను కామెంట్ల రూపంలో తెలియజేయండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.