మీ ఆదాయాన్ని రెట్టింపు చేసే పోస్టాఫీస్ పధకం.. లక్షకి 2 లక్షలు పక్కా!

సంపద పెరగాలంటే డబ్బుని ఏదో ఒక దాంట్లో ఇన్వెస్ట్ చేయాలి. అప్పుడే అది పిల్లల్ని పెడుతుంది. చాలా మంది స్టాక్ మార్కెట్, మ్యూచువల్ ఫండ్స్ వంటి వాటిలో పెట్టుబడులు పెడుతుంటారు. అయితే రిస్క్ ఫ్యాక్టర్ ని దృష్టిలో పెట్టుకుని కొంతమంది స్టాక్ మార్కెట్ జోలికి పోరు. అలా అని మ్యూచువల్ ఫండ్స్ లో దీర్ఘకాలం పాటు ఎదురుచూస్తే తప్ప లాభాలు రావు. మరి రిస్క్ లేకుండా పెట్టుబడి పెడితే తక్కువ సమయంలో మంచి లాభాలు వచ్చే మార్గం ఏదైనా ఉందా? అంటే ఖచ్చితంగా ఉందనే చెప్పాలి. ఆ మార్గం పేరే కిసాన్ వికాస్ పత్ర. పోస్టల్ శాఖ అందించే 9 పోస్టాఫీస్ స్కీమ్స్ లో ఈ కిసాన్ వికాస్ పత్ర ఒకటి. తక్కువ రిస్క్ తో కూడుకున్నది. పైగా ప్రభుత్వ రంగ సంస్థ. కాబట్టి ఇందులో పెట్టుబడి పెట్టడానికి జనం ఎప్పుడూ ముందుంటారు. తక్కువ వ్యవధిలో ఎక్కువ లాభాలను కోరుకునే వారికి కిసాన్ వికాస్ పత్ర ఉత్తమ మార్గం. 

ఏడాదికొకసారి 124 నెలల పాటు పెట్టుబడి పెడుతూ వెళ్తే.. 124 నెలల తర్వాత అంటే పది సంవత్సరాల 4 నెలల తర్వాత రెట్టింపు లాభాలను పొందవచ్చు. ఎంతైనా పెట్టుబడి పెట్టవచ్చు. కనీసం రూ. 1000 పెట్టుబడి పెట్టాలి. కనీసం 124 నెలల పాటు పెట్టుబడి పెడుతూ ఉండాలి. ఏడాదికి రూ. 50 వేలు చొప్పున పదేళ్ల పాటు పెట్టుబడి పెడితే పదేళ్ల తర్వాత 10 లక్షలు పొందవచ్చు. పెట్టుబడి పెట్టింది 5 లక్షలే అయితే.. దానికి రెట్టింపు డబ్బు వస్తుంది. ఈ స్కీం మైనర్ పిల్లలకి, 40 ఏళ్లు పైబడిన వారికి బాగా ఉపయోగపడుతుంది. ఏడాదికి రూ. 50 వేలు అంటే నెలకి రూ. 5 వేల కంటే తక్కువే. అయితే రూ. 50 వేలకు పైగా పెట్టుబడి పెట్టాలంటే ఖచ్చితంగా పాన్ కార్డ్ కాపీ జత చేయాల్సి ఉంటుంది. ఈ స్కీంలో చేరిన వారికి ‘కిసాన్ వికాస్ పత్ర’ సర్టిఫికెట్ అందజేస్తారు

కిసాన్ వికాస్ పత్ర స్కీంలో పెట్టుబడి పెట్టడం వల్ల ప్రయోజనాలు:

• ఈ కిసాన్ వికాస్ పత్ర స్కీం ద్వారా పోస్టల్ శాఖ ఏడాదికి 6.9 శాతం వడ్డీ ఇస్తోంది. దీంతో మీ పెట్టుబడి పదేళ్ల తర్వాత రెట్టింపు అవుతుంది.   
• ఈ స్కీంలో చేరిన సమయంలో కేవీపీ సర్టిఫికెట్ లో పేర్కొన్న వడ్డీ రేటుని బట్టి మెచ్యూరిటీని నిర్ణయిస్తారు. భవిష్యత్తులో వడ్డీ రేట్లు మారినప్పటికీ.. అది ఇన్వెస్టర్ లాభాలపై ప్రభావం చూపించదు. వడ్డీ రేట్లు తగ్గినప్పటికీ.. కేవీపీ సర్టిఫికెట్ లో ముందుగా చెప్పిన వడ్డీ రేటు ప్రకారం మెచ్యూరిటీ అమౌంట్ మొత్తాన్ని చెల్లిస్తారు. 
• 18 ఏళ్లు దాటిన భారతీయ పౌరులు ఎవరైనా ఈ స్కీంలో చేరవచ్చు. వయసు పరిమితి కూడా లేదు. వయోవృద్ధులు కూడా ఈ పథకంలో పెట్టుబడి పెట్టవచ్చు. 
• మైనర్ల పేరు మీద పెట్టుబడి పెట్టాలనుకుంటే.. మైనర్ల బదులు 18 ఏళ్లు దాటిన వారు ఈ స్కీం సర్టిఫికెట్ కొని.. 18 ఏళ్లు వచ్చే వరకూ మేనేజ్ చేయాల్సి ఉంటుంది. 
• మిగతా సేవింగ్స్ స్కీమ్స్ లా కాకుండా.. ఈ కిసాన్ వికాస్ పత్ర స్కీంలో పెట్టుబడి పెడితే.. సుదీర్ఘ కాలం పాటు ఆగకుండా అంటే పదేళ్ల పాటు ఆగకుండా ముందుగానే మీరు చెల్లించిన మొత్తాన్ని వెనక్కి తీసుకోవచ్చు. 
• అయితే సర్టిఫికెట్ కొనుగోలు చేసిన ఏడాది లోపు అప్పటి వరకూ చెల్లించిన డబ్బు వెనక్కి తీసుకోవాలనుకుంటే వడ్డీ రేటు కొంచెం తక్కువ వస్తుంది. అంతేకాదు కొంచెం పెనాల్టీ కూడా చెల్లించాల్సి వస్తుంది. 
• ఏడాది నుంచి రెండున్నరేళ్ల లోపు తీసుకోవాలనుకుంటే ఎటువంటి పెనాల్టీ ఉండదు. కానీ సర్టిఫికెట్ లో చెప్పిన దాని కంటే తక్కువ వడ్డీ వస్తుంది. 
• రెండున్నర సంవత్సరాల తర్వాత మీరు చెల్లించిన డబ్బుని వెనక్కి తీసుకోవాలనుకుంటే ఎలాంటి పెనాల్టీ ఉండదు, పైగా వడ్డీ రేటు కూడా మారదు. సర్టిఫికెట్ లో ఎంతైతే పేర్కొన్నారో అదే వడ్డీ కలిపి మీ డబ్బుని మీకు ఇస్తారు. 
• కేవలం భారతదేశంలో నివసించే వారికి మాత్రమే ఈ స్కీంలో చేరే అవకాశం ఉంది. ఎన్ఆర్ఐలకు ఈ స్కీంలో చేరే అవకాశం లేదు.

 

రిస్క్ తక్కువ. కేవీపీ సర్టిఫికెట్ లో మెన్షన్ చేసిన వడ్డీ రేటుకి మీ మెచ్యూరిటీ టైంకి ఎంత డబ్బు అయితే ఇస్తామని పేర్కొన్నారో అంతే డబ్బు ఇస్తారు. వడ్డీ రేట్లు మారినా మీ పెట్టుబడి మీద ప్రభావం చూపించడం లేదు. ఒకవేళ పెట్టుబడి పెట్టిన డబ్బుల్ని మధ్యలో వెనక్కి తీసుకోవాలనుకుంటే వడ్డీ తక్కువైనా గానీ తక్కువ పెనాల్టీతో పెట్టిన డబ్బుని పొందవచ్చు. రెండు సంవత్సరాల తర్వాత అయితే పెనాల్టీ ఉండదు, వడ్డీ రేటులో మార్పు ఉండదు. పైగా ప్రభుత్వ రంగ సంస్థ. కాబట్టి ఇందులో ఇన్వెస్ట్ చేశాక వెట్ క్లాత్ ఏసుకుని పడుకోవచ్చు. మరి ఈ కిసాన్ వికాస్ పత్ర స్కీంపై మీ అభిప్రాయమేమిటో కామెంట్ చేయండి.

Kisan Vikas Patra: Invest 5 lakh on this govt scheme, cash will probably be doubled in 124 months, know the area of expertise of this scheme https://t.co/Rz1DstA7GD

— news24buzz (@news24buzz1) September 26, 2022

• ఇది కూడా చదవండి: ఐడియా అద్భుతం.. మొబైల్ మ్యారేజ్ హాల్‌ని మెచ్చిన ఆనంద్ మ‌హీంద్రా!
• ఇది కూడా చదవండి: వర్క్ ఫ్రమ్ హోం చేస్తున్న ఆ కంపెనీ ఉద్యోగులకు బంపర్ ఆఫర్..! 10 లక్షలు గెలుచుకునే ఛాన్స్!