బంగారం కొంటున్నారా? అక్షయ తృతీయ ఆఫర్లు మీ కోసమే.. రాయితీలు, క్యాష్‌బ్యాక్‌లు..

హిందువులు ఎంతగానో ఎదురుచూసే పర్వదినాల్లో అక్షయ తృతీయ ఒకటి. ఈరోజున బంగారు ఆభరణాలు కొనుగోలు చేస్తే మంచిదని, ఐశ్వర్యం రెట్టింపు అవుతుందని విశ్వసిస్తారు. ఈ ఒక్కరోజు కొనుగోలు చేస్తే ఏడాది మొత్తం మంచి జరుగుతుందని నమ్ముతారు. దీనికి తోడు బంగారు ఆభరణాల వ్యాపారులు కూడా ఆభరణాలపై భారీ ఆఫర్లు, డిస్కౌంట్లు, రాయితీలు, క్యాష్ బ్యాక్ లు వంటివి ఇస్తుంటారు. ఏప్రిల్ 22న అక్షయ తృతీయ కావున ఆభరణాల సంస్థలు జనాన్ని ఆకర్షించేందుకు పలు ఆఫర్లు ప్రకటించాయి. మరి ఏ ఏ బంగారు నగల సంస్థలు ఎంత మేర డిస్కౌంట్లు ఇస్తున్నాయి? తరుగు మీద ఎంత శాతం తగ్గింపు ఇస్తున్నాయి? క్యాష్ బ్యాక్ ఎంత వస్తుంది? అనే వివరాలు మీ కోసం.

లలితా జ్యువెలర్స్:

• బంగారు నగలన్నిటి మీద తరుగు మీద ఒక శాతం తగ్గింపునిస్తుంది. వజ్రాభరణాల మీద రూ. 2 వేల వరకూ తగ్గింపునిస్తుంది. ఇక బంగారు నాణాల మీద ఎలాంటి తరుగు ఉండదని లలితా జ్యువెలర్స్ తెలిపింది.

జీఆర్టీ జ్యువెలర్స్:

• బంగారు ఆభరణాల తరుగుపై 20 శాతం తగ్గింపు ఇస్తోంది. అలానే బంగారు నాణాలపై తరుగు లేదని వెల్లడించింది.
• వెండి వస్తువుల మేకింగ్ ఛార్జీలు 25 శాతం తగ్గింపు ఉంటుందని, వెండి ఆభరణాల ఎంఆర్పీ మీద 10 శాతం తగ్గింపు ఇస్తున్నట్లు జీఆర్టీ జ్యువెలర్స్ ప్రకటించింది.
• అన్ కట్ వజ్రాల విలువ మీద 10 శాతం తగ్గింపు ఇస్తున్నట్లు సంస్థ ప్రకటించింది.
• బంగారం కొన్న తర్వాత పెరిగిపోయిందని, తగ్గిపోయిందని బాధపడకుండా.. ముందుగా బుక్ చేసుకుంటే బంగారం ఎంత తగ్గితే అంతా తిరిగి ఇస్తామని జీఆర్టీ జ్యువెలర్స్ ఎండీ జి.ఆర్. రాధాకృష్ణన్ తెలిపారు.
• ఉదాహరణకు మీరు ఇవాళ 10 గ్రాముల బంగారం రూ.56,050 కి కొనుగోలు చేస్తే కనుక.. రేపు అక్షయ తృతీయ నాడు రూ. 55 వేలకు తగ్గితే రూ. 1050 మీకు తిరిగి ఇస్తారు. ధరల హెచ్చుతగ్గుల నుంచి కొనుగోలుదారులు రక్షణ పొందవచ్చునన్నమాట.

తనిష్క్:

• వజ్రం, బంగారు ఆభరణాల తయారీ ఛార్జీలపై 20 శాతం వరకూ తగ్గింపు ఉంటుందని, ముందుగా బుక్ చేసుకున్నవారికి గోల్డ్ రేట్ ప్రొటెక్షన్ ఉంటుందని తనిష్క్ సంస్థ తెలిపింది. అంటే గోల్డ్ రేటు తగ్గితే కనుక ముందు కొన్న ధరతో ఎంత వ్యత్యాసం ఉందో ఆ అమౌంట్ చెల్లిస్తారు.
• ఇక ఎస్బీఐ క్రెడిట్ కార్డు ద్వారా కనీసం రూ. 80 వేలు విలువైన ఆభరణాలు కొనుగోలు చేస్తే రూ. 4 వేలు రాయితీ లభిస్తుంది. అయితే ఈ ఆఫర్లు ఏప్రిల్ 23 వరకూ మాత్రమే అందుబాటులో ఉంటాయి.

జోయాలుక్కాస్:

• రూ. 50 వేలు లేదా అంతకంటే ఎక్కువ విలువ చేసే బంగారం కొనుగోలు చేసేవారికి రూ. 1000 గిఫ్ట్ వోచర్ ఇస్తామని జోయాలుక్కాస్ ప్రకటించింది.
• రూ. 10 వేలు పైబడి వెండి ఆభరణాలు కొనుగోలు చేస్తే రూ. 500 విలువైన గిఫ్ట్ వోచర్ ఇస్తామని తెలిపింది.
• రూ. 50 వేలు పైన విలువైన వజ్రాలు, అన్ కట్ వజ్రాలు, అరుదైన ఆభరణాలను కొనుగోలు చేస్తే రూ. 2000 గిఫ్ట్ వోచర్ ను ఇస్తున్నారు.
• ఇక ఎస్బీఐ క్రెడిట్ కార్డు ద్వారా రూ. 30 వేలు పైన విలువైన ఆభరణాలు కొనుగోలు చేస్తే 5 శాతం క్యాష్ బ్యాక్ వస్తుంది. ఈ ఆఫర్లు కేవలం ఏప్రిల్ 23 వరకూ మాత్రమే ఉంటాయని సంస్థ వెల్లడించింది.

కళ్యాణ్ జ్యువెలర్స్:

• కొన్న ఆభరణాల మొత్తంలో సగం విలువైన ఆభరణాలపై తయారీ ఛార్జీలు అనేవి ఉండవు. కానీ కనీసం రూ. లక్ష విలువ చేసే ఆభరణాలు కొనాల్సి ఉంటుంది.

మలబార్ గోల్డ్:

• రూ. 30 వేల విలువైన బంగారు ఆభరణాలు కొనుగోలు చేస్తే వారికి 100 మిల్లీగ్రాముల బంగారు నాణాన్ని ఉచితంగా ఇస్తారు.
• రూ. 30 వేల విలువైన డైమండ్, ఇతర ఆభరణాలు కొనుగోలు చేసిన వారికి 250 మిల్లీగ్రాముల బంగారు నాణాలను ఇస్తున్నారు.
• హెచ్డీఎఫ్సి క్రెడిట్ కార్డు ద్వారా కొనుగోలు చేస్తే కనుక అదనంగా 5 శాతం క్యాష్ బ్యాక్ ఇస్తుంది.

క్యారట్ లేన్:

• అన్ని రకాల డిజైన్ల వజ్రాభరణాలపై 20 శాతం వరకూ తగ్గింపు ఉంటుంది. ఎస్బీఐ క్రెడిట్ కార్డు ద్వారా ఆభరణాలు కొనుగోలుపై చెల్లింపులు జరిపితే గనుక అదనంగా 5 శాతం రాయితీ లభిస్తుంది.

పీసీ జ్యువెలర్స్:

• బంగారు ఆభరణాల తయారీ ఛార్జీల మీద 50 శాతం తగ్గింపు లభిస్తుంది.

ఫోన్ పే:

ఫోన్ పే యాప్ ద్వారా 24 క్యారెట్ల స్వచ్ఛమైన బంగారాన్ని కొనుగోలు చేస్తే వారికి ఉచిత స్టోరేజ్ సౌకర్యం కల్పిస్తామని తెలిపింది. కస్టమర్ తరపున బంగారం అమ్మినవారే బ్యాంక్ గ్రేడ్ ఇన్సూర్డ్ లాకర్ లో భద్రపరుస్తారని ఫోన్ పే తెలిపింది. లాకర్ లో ఉన్న బంగారాన్ని కస్టమర్లు ఎప్పుడైనా అమ్ముకోవచ్చునని తెలిపింది. అమ్మగా వచ్చిన డబ్బును 48 గంటల్లో కస్టమర్ బ్యాంకు ఖాతాలో జమ చేస్తామని తెలిపింది. ఇక బంగారు నగల తయారీపై ఎటువంటి ఛార్జీలు ఉండవని స్పష్టం చేసింది. అలానే అక్షయ తృతీయ రోజున (ఏప్రిల్ 22న) 1 గ్రాము కంటే ఎక్కువ బంగారాన్ని కొనుగోలు చేసిన వారికి రూ. 50 నుంచి రూ. 500 క్యాష్ బ్యాక్ వస్తుందని ఫోన్ పే తెలిపింది.

గమనిక: ఈ ఆఫర్లు, రాయితీలు, క్యాష్ బ్యాక్ ల వివరాలు సమాచారం కోసం మాత్రమే. దీని గురించి పూర్తి వివరాలు ఆయా సంస్థల రిటైల్ స్టోర్లను సంప్రదించి తెలుసుకోగలరని మనవి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.