ఇన్ఫోసిస్​కు షాక్.. వైదొలిగిన మరో కీలక ఉద్యోగి!

ఐటీ దిగ్గజం ఇన్ఫోసిస్​కు షాక్ తగిలింది. నెలల వ్యవధిలో ఈ కంపెనీ నుంచి మరో ఉన్నతాధికారి వైదొలిగారు. కంపెనీ ప్రెసిడెంట్ మోహిత్ జోషి తన పదవికి రాజీనామా చేశారు. ఈ మేరకు స్టాక్‌ ఎక్స్ఛేంజీకి ఇన్ఫోసిస్ శనివారం సమాచారం ఇచ్చింది. ‘ఇన్ఫోసిస్‌ ప్రెసిడెంట్ మోహిత్‌ జోషీ ఇవాళ రాజీనామా చేశారు. మార్చి 11 నుంచి మోహిత్ సెలవులో ఉండనున్నారు. జూన్‌ 9, 2023.. సంస్థలో ఆయనకు చివరి వర్కింగ్ డే’ అని సంస్థ ఓ ప్రకటనలో వెల్లడించింది. ఇక, మోహిత్ జోషి కెరీర్ విషయానికొస్తే.. ఇన్ఫోసిస్‌ ఫైనాన్షియల్‌ సర్వీసెస్, హెల్త్‌కేర్‌/లైఫ్‌ సైన్సెస్‌ బిజినెస్‌కు ఆయన నేతృత్వం వహిస్తూ వచ్చారు. 2000 సంవత్సరంలో ఇన్ఫోసిస్​లో చేరారు మోహిత్ జోషి.

రెండు దశాబ్దాలకు పైగా ఇన్ఫోసిస్​లో విభిన్న స్థాయుల్లో మోహిత్ జోషి పనిచేశారు. ఎడ్జ్‌వర్వ్‌ సిస్టమ్స్‌కు ఛైర్మన్‌గానూ వ్యవహరించారు ఆయన. ఇటీవల దావోస్‌లో జరిగిన ప్రపంచ ఆర్థిక సదస్సుకు ఇన్ఫోసిస్ తరఫున జోషీ అటెండ్ అయ్యారు. కానీ ఆ తర్వాత గోవాలో జరిగిన ఇన్ఫీ లీడర్​షిప్​ సమావేశంలో మాత్రం పాల్గొనలేదు. దీంతో మోహిత్ రాజీనామా వార్తలు బయటకు వచ్చాయి. కాగా, ఇన్ఫీని వీడిన జోషీ.. మరో టెక్‌ సంస్థ అయిన టెక్‌ మహీంద్రాలో జాయిన్ అయ్యారు. ఈ మేరకు టెక్‌ మహీంద్రా శనివారం ఒక ప్రకటనలో ఈ విషయాన్ని వెల్లడించింది. జోషీని తమ కొత్త మేనేజింగ్‌ డైరెక్టర్‌, చీఫ్‌ ఎగ్జిక్యూటివ్‌ ఆఫీసర్‌గా నియమించామని పేర్కొంది. ప్రస్తుత టెక్‌ మహీంద్రా ఎండీ, సీఈవో సీపీ గుర్నానీ ఈ ఏడాది డిసెంబరు 19వ తేదీన పదవీ విరమణ చేయనున్నారు. అదే రోజున జోషీ.. గుర్నారీ ప్లేసులో బాధ్యతలు చేపట్టనున్నట్లు టెక్ మహీంద్రా ఒక ప్రకటనలో తెలిపింది.

#TechMahindra appointed former #Infosys President Mohit Joshi as Managing Director and CEO, the company informed in a regulatory filing.

Joshi will take over for C P Gurnani, who is retiring on December 19

Details: https://t.co/b7MKya3ICJ pic.twitter.com/7sJyHHClue

— Hindustan Times (@htTweets) March 11, 2023