ఉద్యోగుల్ని పీకేస్తే కోట్లు చెల్లించాలి.. టెక్ కంపెనీలకు కొత్త తలనొప్పులు!

ప్రపంచ వ్యాప్తంగా టెక్ కంపెనీలన్నీ లేఆఫ్స్ బాట పట్టాయి. ఆర్థిక మాంద్యం భయాలతో బడా సంస్థలు కూడా ఉద్యోగులను తొలగిస్తూ పోతున్నాయి. అధిక ద్రవ్యోల్బణం కారణంగా ఆయా దేశాల కేంద్ర బ్యాంకులు వడ్డీ రేట్లను క్రమంగా పెంచుకుంటూ పోవడం కూడా దీనికి ఊతమిస్తోంది. ఎంప్లాయీస్​ను తీసేస్తున్న సంస్థల్లో మెటా, ట్విట్టర్, మైక్రోసాఫ్ట్, ఇంటెల్, సహా గూగుల్ కూడా ఉంది. గూగుల్ ఇటీవలి కాలంలో సామూహిక లేఆఫ్స్​ను ప్రారంభించింది. ఈ కంపెనీ ఏకంగా 10 వేలకు పైగా ఉద్యోగులను తొలగించింది. అయితే లేఆఫ్స్ తర్వాత గూగుల్​కు తల పట్టుకోవాల్సిన పరిస్థితి ఏర్పడింది. తొలగించిన ఎంప్లాయీస్​కు భారీ మొత్తంలో పరిహారం చెల్లించాల్సి రావడమే దీనికి కారణంగా తెలుస్తోంది.

సాధారణంగా గూగుల్ లాంటి బడా టెక్ సంస్థల్లో ఉద్యోగులను తీసేసిన తర్వాత వారికి విభజన చెల్లింపు కింద శాలరీ ఇవ్వాలి. దీనికి సంబంధించి జాబ్​లో చేరేముందు అగ్రిమెంట్ కూడా ఉంటుంది. ఇది దేశాలను బట్టి, అక్కడి రూల్స్​ను బట్టి మారుతూ ఉంటుంది. ఇదే ఇప్పుడు గూగుల్​కు తీవ్ర ఇబ్బందికరంగా మారింది. విభజన చెల్లింపులో భాగంగా కొందరు గూగుల్ ఎంప్లాయీస్ ఏకంగా రూ.2.68 కోట్ల మేర పరిహారం అందుకోనున్నారు. ఐర్లాండ్​లోని గూగుల్ ఉద్యోగులు అత్యధికంగా 3 లక్షల యూరోల (భారత కరెన్సీలు సుమారుగా రూ.2.68 కోట్లు)ను విభజన చెల్లింపు కింద అందుకోనున్నారట. ఇటీవల గూగుల్ తీసేసిన వారిలో ఐర్లాండ్​లోని ఉద్యోగులు ఎక్కువ మంది ఉన్నారని తెలుస్తోంది. వీరు జాబ్ కోల్పోయినా పరిహారం కింద భారీ రూపంలో నగదును అందుకోనున్నారని సండే టైమ్స్ నివేదించింది.

Google announced mass layoffs in January this year, however some employees in Ireland who got the pink slip, could receive more than €300,000 (Rs 2.68 crore) in severance, Sunday Times reported

Read here👇https://t.co/oVfm0X2ln0#Layoffs #Jobs

— Moneycontrol (@moneycontrolcom) March 31, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.