ఖాతాదారులకు శుభవార్త చెప్పిన ప్రభుత్వ బ్యాంకు.. తక్కువ వడ్డీకే రుణాలు!

దేశీయ ప్రభుత్వ రంగ బ్యాంకుల్లో ఒకటైన కెనరా బ్యాంక్ తమ ఖాతాదారులకు అదిరే శుభవార్త అందించింది. అన్ని బ్యాంకులు వడ్డీ రేట్లు పెంచుతూ పోతున్న వేళ ఆశ్చర్యకర నిర్ణయం తీసుకుంది. కస్టమర్లకు మేలు చేసే కీలక ప్రకటన చేసింది. వివిధ రకాల రుణాలపై వడ్డీ రేట్లను తగ్గిస్తున్నట్లు వెల్లడించింది. దీంతో కెనరా బ్యాంకులో లోన్ తీసుకున్నవారికి, తీసుకోవాలని భావిస్తున్న వారికి భారీ ఊరట కలుగనుంది. గతంతో పోలిస్తే ఇప్పుడు తక్కువ వడ్డీకే రుణాలు పొందవచ్చు. ఆ వివరాలు..

కెనరా బ్యాంకు తీసుకున్న తాజా నిర్ణయంతో వెహికల్ లోన్, హోమ్ లోన్ తీసుకోవాలని భావించే వారికి భారీ ప్రయోజనం చేకూరనుంది. రుణ రేట్లు తగ్గింపు నేపథ్యంలో ప్రస్తుతం గృహరుణాలపై వడ్డీ రేటు 8.55 శాతం నుంచి మొదలవుతోంది. అలాగే 4 వీలర్ వాహనాల రుణాలపై వడ్డీ రేటు 8.8 శాతం నుంచి మొదలవుతుండగా, 2 వీలర్ వాహనాలపై వడ్డీ రేటు 11.35 శాతం నుంచి మొదలవుతున్నాయి. ఇతర బ్యాంకులతో పోలిస్తే ఇది చాలా తక్కువ వడ్డీ రేటు అని బ్యాంక్ ఓ ప్రకటనలో తెలిపింది.

ఇదిలావుంటే, కొద్ది రోజుల క్రితం మానిటరీ పాలసీ నిబంధనలు, ఇతర రూల్స్ ఉల్లంఘించినందుకుగానూ ఆర్‌బీఐ కెనరా బ్యాంకుకు భారీ జరిమానా విధించింది. ఏకంగా రూ.2.92 కోట్లు జరిమానా కట్టాలని ఆదేశించింది. ఎక్స్‌టర్నల్ బెంచ్ మార్క్‌తో వడ్డీ రేట్లను లింక్ చేయకపోవడం, అర్హత లేని సంస్థల పేరుపై సేవింగ్స్ అకౌంట్లు తెరవడం వంటి బ్యాంకు నిబంధనలు కెనరా బ్యాంక్ అతిక్రమించినట్లు ఆర్‌బీఐ గుర్తించింది. ఈ కారణంతోనే భారీ జరిమానా విధించినట్లు తెలిపింది.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.