ట్విట్టర్​కు పోటీగా కొత్త యాప్​.. తయారు చేసింది ఎవరో తెలుసా?

జాక్ డోర్సే.. పరిచయం అక్కర్లేని పేరు. ట్విట్టర్ సహ వ్యవస్థాపకుడు, మాజీ సీఈవో అయిన జాక్ డోర్సే గురించి తెలియని వారు ఉండరు. ట్విట్టర్​ ఈ స్థాయిలో ఫేమస్ అవ్వడం వెనుక ఆయన కృషి ఎంతగానో ఉంది. అలాంటి డోర్సే 2021 నవంబర్​లో ట్విట్టర్ సీఈవో బాధ్యతల నుంచి తప్పుకున్నారు. కొన్నాళ్ల తర్వాత బోర్డు నుంచి ఆయన వైదొలిగారు. దీంతో డోర్సే స్థానంలో పరాగ్ అగర్వాల్ ట్విట్టర్ సీఈవోగా ఎంపికయ్యారు. అనంతరం ప్రముఖ బిలియనీర్ ఎలాన్ మస్క్ ట్విట్టర్​ను కొనడంతో పరాగ్ కూడా వైదొలగడం తెలిసిందే. ట్విట్టర్ పబ్లిక్ లిమిటెడ్ సంస్థగా ఉండటం కంటే ప్రైవేట్ కంపెనీగా ఉండటమే మంచిదనే అభిప్రాయాన్ని డోర్సే అప్పట్లో వెల్లడించారు.

ట్విట్టర్​లో జరుగుతున్న పరిణామాలపై పలు సందర్భాల్లో జాక్ డోర్సే ఆందోళన వ్యక్తం చేశారు. అలాంటి ఆయన తన కొత్త సోషల్ మీడియా ప్లాట్​ఫామ్ బ్లూస్కై బీటా వెర్షన్​ను రిలీజ్ చేశారు. ప్రస్తుతం ఇది యాపిల్ యాప్ స్టోర్​లో సెలెక్టెడ్ యూజర్స్​కు మాత్రమే అందుబాటులో ఉంది. డేటా.ఏఐ అనే యాప్ ఇంటెలిజెన్స్ కంపెనీ వివరాల ప్రకారం.. ఐఓఎస్ యాప్ స్టోర్​లో బ్లూస్కై ఈ ఏడాది ఫిబ్రవరి 17నే అందుబాటులోకి వచ్చింది. ఇప్పటిదాకా 2,000 మంది దీన్ని ఇన్​స్టాల్ చేసుకున్నారు. ప్లస్ బటన్​ను క్లిక్ చేసి 256 క్యారెక్టర్లతో కూడిన పోస్ట్​ను క్రియేట్ చేసేలా ఈ యాప్​ ఇంటర్​ఫేస్​ను రూపొందించారని తెలుస్తోంది. ట్విట్టర్​ పోస్ట్ బాక్స్​లో ‘What’s happening’ అని అడుగుతుంది. దీన్ని బ్లూస్కైలో దాన్ని ‘What’s Up?’గా మార్చారట.

షేర్, మ్యూట్, బ్లాక్ అకౌంట్స్ లాంటి ఫీచర్లు కూడా బ్లూస్కైలో ఉన్నట్లు డేటా.ఏఐ సంస్థ తెలిపింది. యాప్ నావిగేషన్​లో మధ్యలో డిస్కవర్ అనే ట్యాబ్​ను కూడా పొందుపరిచారని తెలుస్తోంది. ఎవర్ని ఫాలో అవ్వాలి, రీసెంట్​ పోస్ట్​ల లాంటి వాటిని సెర్చ్ చేసేందుకు ఇది ఉపయోగపడుతుందట. 2019లో ప్రారంభమైన బ్లూస్కై ప్రాజెక్టు 2022లో ఉనికిలోకి వచ్చింది. ట్విట్టర్​ను వీడాకే డోర్సే ఫస్ట్​టైమ్ దీని గురించి మాట్లాడారు. దీన్ని ‘ఓపెన్ డీసెంట్రలైజ్డ్ స్టాండర్డ్ ఫర్ సోషల్ మీడియా’గా ఆయన అభివర్ణించారు. ట్విట్టర్​కు పోటీగా వస్తున్న బ్లూస్కై గతేడాది 13 మిలియన్ డాలర్ల నిధులను సేకరించింది. డోర్సే సంస్థ బోర్డులో ఉండగా.. ట్విట్టర్ మాజీ సెక్యూరిటీ ఇంజినీర్ ఇందులో ఇటీవలే చేరారని సమాచారం. మరి.. ట్విట్టర్​కు బ్లూస్కై పోటీనిస్తుందని మీరు భావిస్తున్నారా? అయితే మీ అభిప్రాయాలను కామెంట్ల రూపంలో తెలియజేయండి.

Making a re-entry into the social media arena, Twitter’s former CEO and co-founder Jack Dorsey launched his platform Bluesky, an alternative to Twitterhttps://t.co/tgoQEx2sfa

— WION (@WIONews) March 1, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.