మీమ్స్ చేయడం వచ్చా? అయితే ఈ జాబ్ మీ కోసమే.. లక్షల్లో ప్యాకేజీ అందుకోండి!

గత దశాబ్ద కాలం నుంచి మొబైల్ ఫోన్ల వినియోగం బాగా పెరిగింది. ఇంటర్నెట్ విప్లవం వల్ల ప్రతి ఒక్కరి చేతిలోకి ఫోన్ వచ్చేసింది. కాస్త ఖాళీ సమయం దొరికినా అందరూ ఫోన్లకే అతుక్కుపోతున్నారు. సోషల్ మీడియాలో పోస్టులు పెడుతూ, మిగిలినవారు పెట్టిన పోస్టులను చూస్తూ కాలక్షపం చేస్తుంటారు. ఇక, సోషల్ మీడియాలో బాగా ఫేమస్ అయినవి మీమ్స్. ఎంత సీరియస్ విషయాన్ని అయినా ఎవరి మనోభావాలు దెబ్బతినకుండా సున్నితంగా చెబుతూ నవ్వులు పుట్టిస్తాయి మీమ్స్. సినిమాలు, రాజకీయాలు, ఆటలు.. ఇలా ఏ రంగం గురించైనా సరే, వాటిల్లో జరిగే విషయాలను తెలుసుకోవాలంటే మీమ్స్​ చూడాల్సిందే. కొన్ని ఫన్నీ మీమ్స్​ను చూస్తే కడుపు చెక్కలయ్యేలా నవ్వాల్సిందే. మీమ్స్​ను తయారు చేసే వారిని మీమర్స్​ అని పిలుస్తుంటారు.

సరదా కోసం మీమ్స్ చేసే మీమర్స్​కు బంపర్ ఆఫర్ ఇచ్చిందో కంపెనీ. ఇంట్లోనే కూర్చుని, కాలు కదపకుండా లక్షలు సంపాదించే ఛాన్స్ ఇచ్చింది. ఇంట్లో వద్దనుకుంటే ఆఫీసుకు వచ్చి ఐటీ ఉద్యోగులకు సరిసమానమైన భారీ శాలరీ ప్యాకేజీని అందుకునే అవకాశాన్ని ఇస్తోందో సంస్థ. సోషల్ మీడియా వినియోగంతో మీమ్స్ ద్వారా ఏ విషయమైనా త్వరగా అందరికీ చేరుతోంది. దీంతో చాలా కంపెనీలు తమ బ్రాండింగ్ కోసం మీమ్స్​ను వాడుకుంటున్నాయి. అందుకే కర్ణాటకలోని బెంగళూరుకు చెందిన స్టాక్‌ గ్రో అనే కంపెనీ మీమ్స్‌ తయారు చేసే మీమర్స్‌కు మంచి ఆఫర్ ఇచ్చింది. చీఫ్‌ మీమ్‌ ఆఫీసర్‌కు నెలకు రూ.లక్ష జీతం ఇచ్చేందుకు సిద్ధమైనట్లు ఆ కంపెనీ తెలిపింది. ఫైనాన్స్‌, స్టాక్‌ మార్కెట్‌ విభాగాల్లో యువత టార్గెట్​గా మీమ్స్‌ రూపొందించాలంటూ లింక్డ్‌ఇన్​లో ఓ పోస్ట్‌ పెట్టింది. ఇంకెందుకు ఆలస్యం.. మీమ్స్ చేయడంలో మీరు ఎక్స్​పర్ట్ అయితే స్టాక్ గ్రోలో ఈ జాబ్​కు వెంటనే అప్లై చేసుకోండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.