ఖాతాదారులకు అదిరిపోయే శుభవార్త చెప్పిన దిగ్గజ బ్యాంక్! లాభం పక్కా!

దేశంలోని ప్రభుత్వ రంగ బ్యాంకుల్లో ఒకటిగా బ్యాంక్ ఆఫ్ బరోడాను చెప్పుకోవచ్చు. నమ్మకమైన బ్యాంక్​గా, అద్భుతమైన సేవలను కస్టమర్లకు అందిస్తోంది బ్యాంక్ ఆఫ్ బరోడా. తాజాగా తమ కస్టమర్లకు ఈ బ్యాంక్ తీపికబురు అందించింది. వడ్డీ రేట్ల సవరణ విషయంలో కీలక నిర్ణయం తీసుకున్నామని తెలిపింది. ఫిక్స్​డ్ డిపాజిట్ల మీద వడ్డీ రేట్లను భారీగా పెంచుతున్నట్లు బ్యాంక్ ఆఫ్ బరోడా పేర్కొంది. దీంతో ఈ బ్యాంక్​లో మనీ దాచుకోవాలనుకునే వారికి చాలా ప్రయోజనం కలుగనుంది. ఇప్పటికే కొన్ని ప్రముఖ బ్యాంకులు ఎఫ్​డీ రేట్లు పెంచేశాయి. తాజాగా బ్యాంక్ ఆఫ్​ బరోడా కూడా ఈ లిస్టులో చేరింది. ఈ దిగ్గజ బ్యాంక్ ఫిక్స్​డ్ డిపాజిట్ల రేట్లను 30 బేసిస్ పాయింట్ల మేర పెంచేసింది.

బ్యాంక్ ఆఫ్ బరోడా ఫిక్స్​డ్ డిపాజిట్ల రేట్లను పెంచుతూ తీసుకున్న నిర్ణయం రూ.2 కోట్ల వరకు డిపాజిట్లకు వర్తిస్తుంది. ఈ బ్యాంక్​లో ఇప్పుడు రెగ్యులర్ కస్టమర్లకు 7.25 శాతం వడ్డీ లభిస్తోంది. అదే సీనియర్ సిటిజన్స్​కు అయితే 7.75 శాతం వరకు వడ్డీని ఇస్తున్నారు. మే 12వ తేదీ నుంచి నూతన వడ్డీ రేట్లు అమల్లోకి వచ్చేశాయి. ఎఫ్​డీలపై వడ్డీ రేట్లు పెంచడంతో పాటు బ్యాంక్ స్పెషల్ డిపాజిట్ స్కీమ్​ను కూడా బ్యాంక్ ఆఫ్ బరోడా తీసుకొచ్చింది. ‘బరోడా తిరంగా ప్లస్ డిపాజిట్’ అనే పథకం ద్వారా ఎఫ్​డీలపై 7.25 శాతం వరకు వడ్డీని పొందొచ్చు. దీని మొత్తం టెన్యూర్​ 399 రోజులుగా ఉంది. అదే సీనియర్ సిటిజన్స్​కు బ్యాంక్ 0.5 శాతం వరకు ఎక్కువ వడ్డీ రేటును ఆఫర్ చేస్తోంది. దీని వల్ల బ్యాంకులో డబ్బులు దాచుకోవాలని భావించే వారికి అధిక ప్రయోజనం చేకూరుతుంది.

#BankOfBaroda hikes retail term deposit rates by 30 bps on select tenure

Read here: https://t.co/8Oj36fR3DD pic.twitter.com/CFlbn9ltPt

— Mint (@livemint) May 12, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.