Amazon Layoffs: ఆగని ఉద్యోగుల తొలగింపు.. ఏకంగా 27 వేల మందిని తీసేసిన అమెజాన్!

ఆర్థిక మాంద్యం భయాలు బడా సంస్థలను ఉక్కిరిబిక్కిరి చేస్తున్నాయి. అందుకే దిగ్గజ కంపెనీలైన మైక్రోసాఫ్ట్, గూగుల్, ఫేస్​బుక్, డెల్ పెద్ద ఎత్తున లేఆఫ్స్ చేపడుతున్నాయి. ఇదే బాటలో నడవాలని నిర్ణయించుకున్న ఇ-కామర్స్ దిగ్గజం అమెజాన్ కూడా కీలక నిర్ణయం తీసుకుంది. ఏకంగా 27 వేల మంది ఎంప్లాయీస్​ను తీసేయాలని డిసైడ్ అయింది. ఉద్యోగుల తొలగింపు అంశంపై ఆ సంస్థ సీఈవో ఆండీ జాస్సీ కీలక వ్యాఖ్యలు చేశారు. కంపెనీలో 27 వేల మందిని తొలగించడం అనేది చాలా కఠినమైన నిర్ణయం అని ఆయన చెప్పారు. కానీ పరిస్థితుల ప్రభావం వల్ల తప్పలేదన్నారు. ఖర్చులను నియంత్రించుకునే చర్యల్లో భాగంగానే ఈ కఠిన నిర్ణయం తీసుకున్నామని పేర్కొన్నారు ఆండీ జాస్సీ.

ఉద్యోగుల తొలగింపు అంశంపై అమెజాన్ అధికారిక వెబ్​సైట్​లో ఒక లేఖను పోస్ట్ చేశారు ఆండీ జాస్సీ. తమ సంస్థ ఎదుర్కొన్న సవాళ్లను వివరిస్తూ షేర్​హోల్డర్లకు సీఈవో వార్షిక లేఖ రాశారు. ఉద్యోగుల తీసివేత నిర్ణయం కష్టమైనదేనని.. కానీ దీర్ఘకాలంలో కంపెనీకి ఇది ప్రయోజనం చేకూరుస్తుందని ఆయన చెప్పుకొచ్చారు. ఖర్చులను తగ్గించుకునే క్రమంలో అమెజాన్​కు చెందిన ఫిజికల్ స్టోర్స్​ను కూడా మూసివేశామని జాస్సీ తెలిపారు. అమెజాన్ ఫ్యాబ్రిక్, అమెజాన్ కేర్ ఎఫర్ట్స్​ను కూడా క్లోజ్ చేశామన్నారు. తొలగింపు తర్వాత ఉద్యోగులకు రావాల్సిన చెల్లింపులు, తాత్కాలిక ఆరోగ్య బీమా ప్రయోజనాలతో పాటు బయట ఉపాధిని కనుగొనడంలోనూ తాము సాయం అందిస్తామని ఆండీ జాస్సీ భరోసా ఇచ్చారు.

In a letter to the shareholders, #AndyJassy said the company’s decision to lay off 27,000 employees was ‘hard’, however, it will prove beneficial in the longer run.#Amazon https://t.co/ovN0A4HVsP

— Hindustan Times (@htTweets) April 14, 2023