ఉద్యోగులకు తీపి కబురు.. మీ పీఎఫ్‌ ఖాతాలో పది లక్షలుంటే.. రూ.81,000 జమ.. పూర్తి వివరాలివే!

ఈ వార్త ఉద్యోగుల భవిష్య నిధి సంస్థ (epfo) ఖాతాదారులకు శుభవార్తగా చెప్పవచ్చు. పీఎఫ్ అకౌంట్ కలిగిన వారికి కేంద్ర ప్రభుత్వం వడ్డీని చెల్లించనుంది. వెలువడుతున్న నివేదికల ప్రకారం.. త్వరలోనే ప్రభుత్వం వడ్డీ డబ్బులను ఈపీఎఫ్ ఖాతాల్లో జమ చేయనున్నట్లు తెలుస్తోంది. ప్రతి ఏడాది వడ్డీ చెల్లిస్తున్నప్పటికీ.. ఏడాది ఆఖరు వరకు వేచిచూడాల్సి వచ్చేది. అయితే ఈసారి కాస్త ముందుగానే అంటే.. పండగకు ముందే వడ్డీని చెల్లించాలని ఈపీఎఫ్ఓ భావిస్తున్నట్లు సమాచారం. ఈ నిర్ణయం వల్ల దాదాపు 6 కోట్ల మందికి ప్రయోజనం చేకూరనుంది.

ప్రస్తుతం ఈపీఎఫ్ఓ వడ్డీ 8.1 శాతంగా ఉంది. గత 40 ఏళ్లలో ఇదే కనిష్ఠ స్థాయి. 2019 – 20 ఆర్థిక సంవత్సరంలో వడ్డీ రేటు 8.5 శాతంగా ఉన్న విషయం తెలిసిందే. ఈపీఎఫ్ఓ సెంట్రల్ బోర్డు మార్చి నెలలోనే పీఎఫ్ వడ్డీ రేటును 8.5 శాతం నుంచి 8.1 శాతానికి తగ్గించింది. ఇది ప్రతికూల అంశమనే చెప్పుకోవచ్చు. తక్కువ వడ్డీ వస్తుంది.

ఎవరి ఖాతాలో ఎంత డబ్బు..

పీఎఫ్ ఖాతాలోని డబ్బులు ప్రాతిపదికన మీకు వచ్చే వడ్డీ డబ్బులు కూడా నిర్ణయమౌతాయి. ఉదాహరణకు మీ అకౌంట్‌లో రూ. 6 లక్షలు ఉంటే.. రూ. 48 వేలు, రూ. 7 లక్షలు ఉంటే.. రూ.56700, పది లక్షలుంటే.. రూ.81000 మీకు వడ్డీగా వస్తాయి. అయితే.. వడ్డీ రేట్లపై ప్రభుత్వ ప్రకటన వచ్చేంత వరకు ఏదీ తుది నిర్ణయం కాదు. సెంట్రల్ బోర్డు వడ్డీ రేటు ప్రతిపాదనలను ముందుగా ఆర్థిక మంత్రిత్వశాఖ ఆమోదించాల్సి ఉంది.

పీఎఫ్ బ్యాలెన్స్ ఎలా చెక్ చేయాలి?

పీఎఫ్ అకౌంట్ లో ఎంత డబ్బు ఉందో తెలుసుకోవడానికి అనేక మార్గాలు ఉన్నాయి. ఈపీఎఫ్‌వో వెబ్‌సైట్‌కు వెళ్లి యూఏఎన్, పాస్‌వర్డ్ సాయంతో లాగిన్ అయ్యి పీఎఫ్ బ్యాలెన్స్ చూసుకోవచ్చు. లేదంటే ఎస్ఎంఎస్ ద్వారా బ్యాలెన్స్ తెలుసుకోవాలని చూస్తే.. ఈపీఎఫ్‌వో యూఏఎన్ ఎల్ఏఎన్ అని టైప్ చేసి 7738299899 నెంబర్‌కు మెసేజ్ పంపాలి. ఉమాంగ్ యాప్ ద్వారా కూడా మీకు బ్యాలెన్స్ ఎంతనో తెలుసుకోవచ్చు.

పీఎఫ్ బ్యాలెన్స్ ఎలా చెక్ చేయాలలో స్టెప్ బై స్టెప్ ప్రాసెస్:

ఆన్‌లైన్‌లో..

• మొదట https://passbook.epfindia.gov.in/MemberPassBook/Login వెబ్ సైట్ పై క్లిక్ చేయండి.
• ఇక్కడ మీరు.. మీ వినియోగదారు UAN నంబర్, పాస్‌వర్డ్, క్యాప్చా ఎంటర్ చేయాలి.
• అన్ని వివరాలను పూరించిన తర్వాత, మీరు కొత్త పేజీకి వెళ్తారు.
• ఆపై మీరు సభ్యుల IDని ఎంచుకోవలసి ఉంటుంది.
• ఇక్కడ మీరు ఇ-పాస్‌బుక్‌లో మీ EPF బ్యాలెన్స్ తెలుసుకోవచ్చు.

ఉమాంగ్ (UMANG) యాప్ ద్వారా..

• మొదట UMANG యాప్ ఓపెన్‌ చేసి EPFOపై క్లిక్ చేయండి.
• ఇప్పుడు మరొక పేజీలో ఉద్యోగి- కేంద్రీకృత సేవలపై క్లిక్ చేయండి.
• ఆపై ‘View Passbook’పై క్లిక్ చేయండి.
• ఇక్కడ మీరు.. మీరు మీ UAN నంబర్, పాస్‌వర్డ్ (OTP) నంబర్‌ను ఎంటర్‌ చేయండి.
• మీ రిజిస్టర్డ్ మొబైల్ నంబర్‌కు OTP వస్తుంది. దీని తర్వాత మీరు మీ PF బ్యాలెన్స్‌ని చెక్ చేసుకోవచ్చు.

మిస్డ్ కాల్ ద్వారా: మీ రిజిస్టర్డ్ మొబైల్ నంబర్ నుండి 011-22901406కు మిస్డ్ కాల్ ఇవ్వాలి. దీని తర్వాత మీరు EPFO సందేశం ద్వారా PF వివరాలను పొందుతారు. ఇక్కడ కూడా మీ UAN, PAN, ఆధార్‌ను లింక్ చేయడం అవసరం.

ఎస్ఎంఎస్ ద్వారా: మీ UAN నంబర్ EPFOలో రిజిస్టర్ చేయబడి ఉంటే, మీరు మీ PF బ్యాలెన్స్ గురించి మెసేజ్ ద్వారా సమాచారాన్ని పొందవచ్చు. దీని కోసం మీరు EPFOHO ను 7738299899కి పంపాలి. దీని తర్వాత మీరు మెసేజ్ ద్వారా PF సమాచారాన్ని పొందుతారు. PF బ్యాలెన్స్ కోసం, మీ UAN, బ్యాంక్ ఖాతా, PAN, ఆధార్ తప్పనిసరిగా లింక్ చేయబడాలి.

• ఇదీ చదవండి: పొరపాటున UPI ద్వారా తప్పుడు ఖాతాకు డబ్బు పంపారా.. ఇలా చేస్తే, మీ మనీ రిటర్న్!

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.