ఉగాది వేళ బంగారం కొనాలనుకుంటున్న వారికి గుడ్ న్యూస్.. భారీగా తగ్గిన ధర!

గత పది రోజులగా పసిడి ధరలు పరుగులు పెడుతున్న సంగతి అందరికీ విదితమే. ఈమధ్య కాలంలో ఎన్నడూ లేనంతగా సోమవారం ఒక్కరోజే దేశీయ మార్కెట్‌లో బంగారం ధర ఏకంగా రూ.1400 మేర పెరిగి రూ.60వేల మార్కును దాటేసింది. ఆపై మంగళవారం రోజు 500 రూపాయల మేర తగ్గి కాస్త ఉపశమనం కలిగించినా.. బంగారం కొనాలనే ఆలోచనకు మాత్రం దూరంగా ఉన్నారు. అలాంటి వారికి పండగ వేళ విశేషం.. శుభవార్త అందింది. ఉగాది వేళ పసిడి ధర భారీగా తగ్గింది. ఏకంగా రూ.800 మేర తగ్గి రూ.60వేల మార్కును దిగొచ్చింది.

భారతీయులకు, అందునా మగువలకు పసిడి అంటే ఎంత ఇష్టమో ప్రత్యేకంగా చెప్పక్కర్లేదు. పురుషులు బంగారం ధరించినా, అది ఆకర్షణకే తప్ప మగువుల అందానికి సాటిరాదు. అందువల్లే.. పసిడిని మగువలకు తీపి వస్తువుగా పరిగణిస్తారు. ఇదిలావుంచితే, ఇటీవల కాలంలో పసిడి ధర పరుగులు పెడుతోన్న సంగతి అందరికీ తెలిసిందే. కొనాలనే ఆలోచన పక్కనపెడితే, దాని వంక చూడాలంటేనే భయపడేలా చేస్తోంది. పైగా రాబోవు నెలల్లో బంగారం ధర 70వేల మార్కు దాటుతుందని మార్కెట్ నిపుణులు చెప్తుండటం గమనార్హం. ఏదేమైనా ఉగాది పండగ వేళ పసిడి ధర తగ్గుముఖం పట్టడం కొనుగోలు దారులకు శుభపరిణామమే.

నేటి బంగారం ధరలు

మంగళవారంతో పోలిస్తే బుధవారం 22 క్యారెట్ల పసిడి ధర పది గ్రాములకు రూ.800 తగ్గి.. రూ.54,200గా ఉంది. అదే 24 క్యారెట్ల పసిడి ధరను చూస్తే.. రూ.870 మేర తగ్గి.. రూ.59,130 వద్ద కొనసాగుతోంది. తెలుగు రాష్ట్రాలలోని ప్రముఖ నగరాలైన హైదరాబాద్​, విజయవాడ, విశాఖ ప‌ట్నంలో ఇవే ధరలు ఉన్నాయి.

ఇక చెన్నైలో 22 క్యారెట్ల పసిడి ధర రూ. 54,700గా ఉండగా, 24 క్యారెట్ల బంగారం ధర రూ. 59,670గా ఉంది. ముంబైలో 22 క్యారెట్ల పసిడి ధర రూ. 54,200గా ఉండగా, 24 క్యారెట్ల బంగారం ధర రూ. 59,130గా ఉంది. న్యూఢిల్లీలో 22 క్యారెట్ల పసిడి ధర రూ. 54,350గా ఉండగా, 24 క్యారెట్ల బంగారం ధర రూ. 59,280గా ఉంది. ఇక బెంగళూరులో 22 క్యారెట్ల పసిడి ధర రూ. 54,250గా ఉండగా, 24 క్యారెట్ల బంగారం ధర రూ. 59,180గా ఉంది. ఇక వెండి ధర కిలో రూ. 74,000గా ఉంది.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.