ఇంద్రకీలాద్రిపై పాముకి అంత్యక్రియలు! భక్తులు కన్నీరు!

మన దేశంలో జీవులను దేవుళ్లగా పూజిస్తుంటాం. ఆవు, పాము వంటి జీవాలకు నిత్యం పూజలు చేస్తుంటారు. ఎదైనా కారణాలతో అవి మరణిస్తే మనుషులకు చేసినట్లే అంత్యక్రియాలు చేస్తుంటారు. అలాంటివి ఎక్కువగా గ్రామాల్లో చూస్తుంటాము. అయితే చనిపోయిన ఓ పాముకు అంత్యక్రియాలు చేసిన ఘటన విజయవాడలోని ఇంద్రకీలాద్రిపై చోటు చేసుకుంది. స్థానికులు తెలిపిన సమాచారం ప్రకారం.. గత కొన్నేళ్లుగా విజయవాడ ఇంద్రకీలాద్రిపై జంట పాములు సంచరిస్తూ ఉన్నాయి.

ఇటీవలికాలంలో అవి ఆలయ ప్రాంగణంలో కూడా కనిపించేవి. ఆ రెండు పాములు ఆలయ ప్రాంతంలో సంచరిస్తుండంతో అక్కడి వచ్చే భక్తులు వాటికి పూజలు చేస్తున్నారు.ఇక అర్చకులు, కమిటీ సభ్యులు కూడా వీటిని దైవంగా భావిస్తూ వస్తున్నారు. కొన్నాళ్లుగా ఆలయ పరిసరాల్లో ఆ జంట పాములు కనిపించలేదు. అయితే ఏమైందో.. ఏమో.. తెలియదు కానీ, వాటిల్లో ఒక పాము మృతిచెందిన స్థితిలో కనిపించింది. శుక్రవారం సాయంత్రం దుర్గా ఘాట్ దగ్గర ఉన్న ఓ టర్నింగ్ పాయింట్ వద్ద ఈ పాము చనిపోయి కనిపించింది. దైవంగా భావించే పాము చనిపోవడంతో అర్చకులు, కమిటీ సభ్యులు, ఆలయ అధికారులు దానికి శాస్త్రోక్తంగా అంత్యక్రియలు చేశారు. ఈ సంఘటనపై మీ అభిప్రాయాలని కామెంట్స్ రూపంలో తెలియజేయండి.