బ్రేకింగ్: ఏపీలో గ్రూప్-1 మెయిన్స్ పరీక్షలు వాయిదా..

ఏపీపీఎస్సీ గ్రూప్- విషయంలో కీలక నిర్ణయం తీసుకుంది. త్వరలో జరగనున్న గ్రూప్-1 మెయిన్స్ పరీక్షలను వాయిదా వేసింది. యూపీఎస్సీ సివిల్స్ ఇంటర్వ్యూల నేపథ్యంలో ఈ నిర్ణయం తీసుకునట్లు తెలుస్తుంది. ఏప్రిల్ 23 నుంచి 29 వరకు గ్రూప్-1 మెయిన్స్ ను పరీక్షలు జరగాల్సి ఉంది. అయితే తాజాగా ఆ పరీక్షలను జూన్ మొదటి వారానికి వాయిదా వేసింది. తాజాగా ప్రకటించిన షెడ్యూల్ ప్రకారం జూన్ 3 నుంచి 9వ తేదీ దాకా పరీక్షలు జరుగుతాయని ఏపీపీఎస్సీ ప్రకటించింది.

2022 సివిల్స్ సర్వీస్ పరీక్షలకు సంబంధించిన ఇంటర్వ్యూలు ఏప్రిల్ నెలలో జరగనున్నాయి. ఏప్రిల్ 24 నుంచి మే 18 వరకు ఈ సివిల్స్ ఫేజ్-3 ఇంటర్వ్యూలు జరగున్నాయి. ఈ షెడ్యూల్ ను యూపీఎస్సీ తాజాగా ప్రకటించింది. దీంతో గ్రూప్-1 మెయిన్స్ వాయిదా వేయాల్సిన పరిస్థితి ఏర్పడింది. యూపీఎస్సీ సివిల్స్ ఇంటర్వ్యూకి ఏపీ నుంచి పలువురు గ్రూప్-1 అభ్యర్థులు హాజరవుతున్నారు. అభ్యర్థులు భవిష్యత్ ని దృష్టిలో ఉంచుకుని గ్రూప్-1ను వాయిదా వేస్తున్నట్లు ఏపీపీఎస్సీ సభ్యుడు సలాంబాబు తెలిపారు.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.