గ్రామ వాలంటీర్లకు జగన్‌ సర్కార్‌ గుడ్‌ న్యూస్‌..

ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి తీసుకువచ్చిన వాలంటీర్ల వ్యవస్థను ఎందరో మెచ్చుకున్నారు. ప్రభుత్వ పథకాలను ప్రజలకు నేరుగా చేర్చడం కోసం ఈ వాలంటీర్ల వ్యవస్థను తీసుకువచ్చారు జగన్‌. ఫించన్‌ మొదలు.. ప్రభుత్వ కార్యాలయాల్లో చాలా పనులను వాలంటీర్ల వ్యవస్థ ద్వారా చాలా సులభంగా ప్రజలకు చేరువ చేశారు సీఎం జగన్‌. ఈ క్రమంలో గ్రామ వాలంటీర్లకు శుభవార్త చెప్పింది జగన్‌ సర్కార్‌. ఇంతకు అది ఏంటంటే.. గ్రామ వాలంటీర్లకు నెలకు 2500 రూపాయలు పెన్షన్‌ ఇవ్వనున్నారు. మార్చి 1 నుంచి ఇది అమల్లోకి రానుంది. అయితే వాలంటీర్లందరికి ఇది వర్తించదు. మరి ఈ పెన్షన్‌ ఎవరికి వస్తుంది అంటే..

అమరావతిలో భూమిలేని నిరుపేదలకు ప్రతి నెల 2500 రూపాయలు పెన్షన్‌ ఇస్తున్నారు. అయితే ఇక మీదట భూమిలేని అమరావతి గ్రామాల వాలంటీర్లకు కూడా 2500 రూపాయల పెన్షన్‌ ఇవ్వడానికి ప్రభుత్వం అంగీకరించింది. మార్చి 1 నుంచి ఈ వాలంటీర్లకు పెన్షన్ అమలు చేయనున్నారు.. సుమారు 200 మంది అమరావతి గ్రామాల వాలంటీర్లకు ఈ పింఛన్ మంజూరు చేయనున్నారు. ఓ ప్రత్యేక ప్రకటన ద్వారా రాష్ట్ర మున్సిపల్ శాఖ స్పెషల్ సీఎస్.వై శ్రీలక్ష్మి గురువారం ఈ విషయాన్నివెల్లడించారు.

ఇటీవల శ్రీలక్ష్మి అమరావతి గ్రామాలలో పర్యటించారు. ఈ సమయంలో భూమి లేని నిరుపేద కుటుంబాలకు చెందిన వాలంటీర్లు తమకు కూడా పెన్షన్‌ ఇవ్వాలని శ్రీలక్ష్మిని అభ్యర్థించారు. విషయం తెలుసుకున్న వెంటనే శ్రీలక్ష్మి దీనిపై సానుకూలంగా స్పందించి.. ప్రభుత్వం దృష్టికి తీసుకువెళ్లారు. సీఎం జగన్‌కు ఈ సమస్యను వివరించగా.. ఆయన సానుకూలంగా స్పందించి గ్రీన్ సిగ్నల్ ఇచ్చారని తెలిపారు.

అమరావతి గ్రామాలకు చెందిన నిరుపేద వాలంటీర్ల కుటుంబాలకు పింఛన్లు అందించాలని సీఎం జగన్‌ ఆదేశించారు. మార్చి 1 నుంచి ప్రతి నెలా భూమి లేని నిరుపేద గ్రామ వాలంటీర్ల కుటుంబాలకు పింఛ‌ను రూ.2,500 మంజూరు ఇస్తారు. ఈ నిర్ణయంపై వాలంటీర్లు హర్షం వ్యక్తం చేస్తున్నారు. తమ సమస్యను పరిష్కరించిన సీఎం జగన్‌కు ధన్యవాదాలు తెలుపుతున్నారు. మరి దీనిపై మీ అభిప్రాయానలు కామెంట్స్‌ రూపంలో తెలియజేయండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.