రాయుడు వైసీపీలో చేరడానికి చంద్రబాబుపై కోపమే కారణమా? అదిరే ట్విస్ట్!

తెలుగు గడ్డపై నుంచి సీకే నాయుడు నుంచి మొదలుకొని మహ్మద్ అజహరుద్దీన్ వరకు ఎంతో మంది గొప్ప క్రికెటర్లు భారత జట్టుకు ఆడారు. బ్యాటర్లుగా, బౌలర్లుగా అద్భుతంగా రాణించడమే గాక కెప్టెన్లుగానూ నేషనల్ టీమ్​ను ముందుండి నడిపించారు. తెలుగు ప్రజలు గర్వించదగ్గ గొప్ప క్రికెటర్లలో అంబటి రాయుడు కూడా ఒకడు. బ్యాటర్​గా జాతీయ జట్టుకు అతడు అందించిన సేవలు ఎప్పటికీ గుర్తుండిపోతాయనే చెప్పాలి. టీమ్ కష్టాల్లో ఉన్న చాలా సమయాల్లో కీలక ఇన్నింగ్స్​లు ఆడి విజయాల్లో ముఖ్య పాత్ర పోషించాడు రాయుడు. టీమిండియా తరఫున బ్యాటర్​గా ఎంత పేరు తెచ్చుకున్నాడో.. అంతకు ఎక్కువ పేరు ఐపీఎల్​లో చెన్నై సూపర్ కింగ్స్ టీమ్​కు ఆడి సంపాదించాడు. సీఎస్​కే జట్టు ఈ ఏడాది టైటిల్ గెలవడంలోనూ తనదైన పాత్ర పోషించాడు రాయుడు.

చెన్నై సూపర్ కింగ్స్​ జట్టుకు రాయుడు అందించిన సేవల్ని గుర్తిస్తూ కప్​ తీసుకునే టైమ్​లో తనకు బదులు అతడ్ని పంపాడు ధోని. ఇక, ఐపీఎల్​-2023తో అన్ని ఫార్మాట్ల క్రికెట్​కు రిటైర్మెంట్ ప్రకటించిన రాయుడు.. హఠాత్తుగా రాజకీయాలపై ఫోకస్ పెట్టాడు. అంతేగాక నేరుగా వైసీపీ అధినేత, ఏపీ ముఖ్యమంత్రి వైఎస్ జగన్​ను కలిసి అందరికీ షాక్ ఇచ్చాడు. వైసీపీలో రాయుడి చేరిక దాదాపుగా లాంఛనమేనని అంటున్నారు. ఈ స్టార్ క్రికెటర్ వైసీపీలో చేరడంలో తప్పు లేదు. కానీ పొలిటికల్ కెరీర్​ గురించి ఆలోచన రాగానే నేరుగా వైసీపీలోకి వెళ్లడం.. విపక్ష పార్టీ అయిన టీడీపీ వైపు అతడు కన్నెత్తి కూడా చూడకపోవడంపై పలు ఊహాగానాలు వినిపిస్తున్నాయి. దీనికి టీమిండియా మాజీ చీఫ్ సెలెక్టర్ ఎంఎస్​కే ప్రసాద్ కారణమనే వాదనలు వస్తున్నాయి.

బయటికి కనిపించకున్నా తెలుగు దేశం పార్టీతో ఎంఎస్​కే ప్రసాద్​ సత్సంబంధాలు కలిగి ఉన్నారనే రూమర్ ఉంది. బీజేపీతోనూ ఆయనకు మంచి రిలేషన్స్​ ఉన్నాయట. ఎంఎస్​కే ప్రసాద్ 2016 నుంచి 2020 వరకు దాదాపు 4 సంవత్సరాలు పాటు భారత జట్టు చీఫ్ సెలెక్టర్​గా ఉన్నారు. ఆ టైమ్​లో ఏపీలో చంద్రబాబు నాయకత్వంలోని టీడీపీ ప్రభుత్వం, కేంద్రంలో మోడీ లీడర్​షిప్​లోని బీజేపీ సర్కారు అధికారంలో ఉన్నాయి. అప్పట్లో చంద్రబాబుతో పాటు వెంకన్న నాయుడు మద్దతు పుష్కలంగా ఉండటంతో ఎంఎస్​కేను చీఫ్ సెలెక్టర్​ పదవి వరించిందని రూమర్స్ వచ్చాయి. భారత జట్టు తరఫున ఎంఎస్​కే ప్రసాద్ పెద్దగా రాణించకున్నా, స్టార్ ప్లేయర్ కాకపోయినా.. కేవలం పొలిటికల్ సపోర్ట్​తోనే ఆయన బీసీసీఐలో చక్రం తిప్పారనే వాదన ఉంది.

ఎంఎస్​కే ప్రసాద్ చీఫ్ సెలెక్టర్​గా ఉన్న సమయంలో వన్డే వరల్డ్ కప్​-2019 జరిగింది. ఆ టోర్నీ ముందు వరకు అద్భుతంగా ఆడిన రాయుడ్ని ప్రపంచ కప్​ టీమ్​లోకి తీసుకోలేదు. రాయుడి ఎంపిక విషయంలో ఎంఎస్​కేదే తప్పు అన్నట్లు అన్ని వేళ్లు ఆయన వైపే చూపించాయి. తన కెరీర్​ను ఎంఎస్​కే ప్రసాద్ నాశనం చేశాడనే కోపం రాయుడిలో కూడా ఉందని విశ్లేషకులు అంటున్నారు. అదే టైమ్​లో టీడీపీ కోటరీకి ఎంఎస్​కే దగ్గరగా ఉంటాడని.. చంద్రబాబుతోనూ ఆయనకు సన్నిహిత సంబంధాలు ఉన్నాయనే వాదన నడుస్తోంది. తన కెరీర్ విషయంలో చంద్రబాబు ప్రమేయం లేకపోయినా.. టీడీపీకి, ఆ పార్టీ అధినేతకు ఎంఎస్​కే ప్రసాద్ దగ్గరగా ఉంటాడనే రూమర్ ఉండటంతో సెకండ్ థాట్ అనేది లేకుండా వైసీపీలో జాయిన్ అవ్వాలని రాయుడు డిసైడ్ అయ్యారనే వాదన వినిపిస్తోంది. టీడీపీపై వ్యతిరేకతతోనే డైరెక్ట్​గా వైసీపీతో అతడు టచ్​లోకి వెళ్లారని సమాచారం. మరి.. రాయుడు పొలిటికల్ ఎంట్రీపై వస్తున్న ఊహాగానాల విషయంలో మీరు ఏం అనుకుంటున్నారో కామెంట్ల రూపంలో తెలియజేయండి.