ఉత్తరప్రదేశ్‌లో ఓ పెళ్లి వేడుకలో విషాదం చోటు చేసుకుంది. అంగరంగ వైభవంగా జరిగిన పెళ్లి వేడుకలో వరుడు తుపాకీ చేతిలోకి తీసుకుని ఫైర్ చేశాడు. అది కాస్త అక్కడే నిలబడి ఉన్న యువకుడికి తగిలింది. రక్తమోడుతున్న ఆ యువకుడిని వెంటనే హాస్పిటల్‌కు తీసుకెళ్లారు. కానీ, ట్రీట్‌మెంట్ చేస్తుండగానే మరణించాడు. ఈ విషాద ఘ‌ట‌న ఉత్త‌ర‌ప్ర‌దేశ్ సోన్‌భంద్రా జిల్లాలోని బ్ర‌హ్మ‌న‌గ‌ర్ ఏరియాలో చోటు చేసుకుంది. వివరాల్లోకి వెళితే..

ఉత్తరప్రదేశ్‌ సోన్‌భద్ర జిల్లాలోని బ్రహ్మనగర్ ప్రాంతంలో మ‌నీష్ మాద్హేశియా అనే పెళ్లి కుమారుడు త‌న కుటుంబ స‌భ్యులు, స్నేహితుల‌తో క‌లిసి బ‌రాత్ వేడుక‌లో భాగంగా ఊరేగింపుగా వెళ్తున్నాడు. పెళ్లి తంతులో భాగంగా వరుడు రథం ఎక్కి నిలబడి ఉన్నాడు. ఆ సమయంలో మనీష్ కి ఓ వ్యక్తి గన్ ఇచ్చాడు. గన్ తీసుకున్న పెళ్లికొడుకు మ‌నీష్ ఆకాశానికి వేసి చూపాడు.. మళ్లీ కిందకు తీసుకున్నాడు. ఆ సమయంలో ఆ బుల్లెట్ పెళ్లికుమారుడు స్నేహితుడు బాబు లాల్ యాద‌వ్‌కు త‌గిలింది. దీంతో అత‌న్ని చికిత్స నిమిత్తం ఆస్ప‌త్రికి త‌ర‌లించ‌గా, చికిత్స పొందుతూ యాద‌వ్ ప్రాణాలు కోల్పోయాడు. వరుడు ఫైరింగ్ తంతును వేడుక చేసుకుంటూ ఆ ఘటనను చాలా మంది వీడియో తీశారు.

అందులో వరుడు ఫైర్ చేసిన ఘటన స్పష్టంగా కనిపిస్తున్నది. ఈ వీడియో సోషల్ మీడియాలో వైరల్ అయింది. ఈ ఘ‌ట‌న‌పై పోలీసులు ఎఫ్ఐఆర్ న‌మోదు చేసి ద‌ర్యాప్తు చేప‌ట్టారు. వ‌రుడిని అదుపులోకి తీసుకున్నారు. తుపాకీని కూడా పోలీసులు సీజ్ చేశారు.  ఇక పెళ్లి కొడుకు ఉపయోగించిన గన్.. మరణించిన ఆ యువకుడు బాబు లాల్ యాద‌వ్‌ ది కావడం గమనార్హం. యాదవ్ ఆర్మీలో జవాన్‌గా చేసేవాడు. మనీష్, బాబు లాల్ కి మంచి స్నేహితుడు కావడంతో పెళ్లికి వచ్చాడు. ఈ క్రమంలో బారాత్ లో మరింత జోష్ ఉండాలని బాబు లాల్ తన వద్ద ఉన్న గన్ పెళ్లికొడుకు అయిన మనీష్ కి ఇచ్చాడు. పెళ్లి కొడుకు గన్ ట్రిగ్గర్ నొక్కగా అక్కడ గుంపులో ఉన్న బాబు లాల్ కి బుల్లెట్ తగిలింది. వెంటనే ఆస్పత్రికి తరలించినప్పటికీ ఆ యువకుడు మరణించాడు.

తాను ఇచ్చిన గన్ తన ప్రాణాలే తీసింది. గతంలో కూడా ఇలాంటి ఘటనలు ఎన్నో జరిగాయి. పెళ్లి బారాత్ లో మారణాయుధాలతో చెలగాటం ఆడటం.. గన్ ఫైరింగ్ లాంటివి చేయడం వల్ల పలువురు ప్రాణాలు సైతం పోయాయి. పోలీసులు ఎన్ని హెచ్చరికలు చేస్తున్నప్పటికీ కొందరి అత్యుత్సాహం వల్ల ఇలాంటి దారుణ ఘటనలు చోటు చేసుకుంటున్నాయి. అందుకే పెళ్లి బారాత్ లో ఎలాంటి ప్రమాదకర వస్తువులు ఉపయోగించకూడదని అంటారు. ఈ విషయం పై మీ అభిప్రాయాలు కామెంట్స్ రూపంలో తెలియజేయండి.

Trigger warning: Gun shot

In UP’s Sonbhadra, groom Manish Madheshia killed his friend and Army Jawan Babu Lal Yadav after the pistol used for celebratory fire during wedding procession accidentally fired. The pistol belonged to the deceased Army jawan. pic.twitter.com/kfjDe9IEG0

— Piyush Rai (@Benarasiyaa) June 23, 2022