నా మరణానికి కారణం ప్రియుడే… నటి ఆత్మహత్య ..!

నటి యషిక ఆత్మహత్య చేసుకోవడంతో కోలీవుడ్ కన్నీటి పర్యంతమైనది. తన ఇంటిలోనే ఆత్మహత్య చేసుకుంది. తన మరణానికి కారణం ప్రియుడని వాట్సప్ మెసెజ్ చేసింది. గత కొన్ని రోజులుగా ప్రియుడితో సహజీవనము చేస్తుంది. ఇలాంటి సంఘటనలు ఇప్పటి వరకు చాలానే జరిగాయని తమిళ సినీ వర్గం వారు తెలిపారు. నటి ఆత్మహత్య విషయము తెలియగానే హుటా హాయిగా పోలీసులు ఘటన స్థలానికి చేరుకున్నారు.

వివరాల్లోకి వెళ్తే.. తమిళనాడులోని తిరుప్పురుకు చెందినడి యషిక. సినిమా పై ఇంట్రెస్ట్ తో చెన్నైకి చేరుకుంది. టెలివిజన్, సినిమా రంగంలో ప్రస్తుతం రాణిస్తుంది. నటి యషిక  అసలైన పేరు మేరీ షీలా జెబరాని. ఈమె కొంత కాలంగా ఒక బిజినెస్ మ్యాన్ అరవింద్ అలియాస్ మోహన్‌బాబుతో సహా జీవనం చేస్తుంది. మోహన్‌బాబుతో పరిచయం కాకముందు వడపళనిలోని హాస్టల్‌లో ఉండేది. ఇతనితో ప్రేమాయణం సాగాక పెరవల్లూర్‌లోని జీకేఎం కాలనీలో సహజీవనం మొదలుపెట్టింది.

యషిక, మోహన్‌బాబు ల సహజీవనం కొద్దిరోజులు బాగానే కొనసాగిన, తరవాత వీరి మధ్య అభిప్రాయ బేధాలు ఏర్పడ్డాయి. రోజురోజు గొడవలు జరుగుతూనే ఉంటూ, వీరి సంబంధం దెబ్బతినడం మొదలుపెట్టింది. తర్వాత ప్రియుడు ఇంటి నుండి బయటకు వచ్చి తన జీవనం కొనసాగిస్తుందని కథనాలు. వీరి మధ్య పెళ్లి విషయం పై గొడవలు జరిగాయని సమాచారం. ప్రేమ పేరుతో మోసం చేసి, పెళ్లి చేసుకోకుండా వేదనకు గురి చేసాడట. దీంతో ఎంతో మనస్తాపానికి లోనై ఆత్మహత్యకు పాల్పడినట్లు తెలుస్తుంది. ఆత్మహత్య చేసుకునే ముందు యషిక వాళ్ళ అమ్మకు వాట్స్ఆప్ లో ఆమె చావుకి కారణం ప్రియుడే, పెళ్లి చేసుకోకుండా మోసం చేశాడు. మోహన్ బాబు వల్లే నేను ఇలాంటి నిర్ణయం తీసుకున్నాను. నా ఈ మరణానికి  కారణమైన మోహన్ బాబుకి కఠినమైన శిక్ష పడాలని కోరుకుంటూ సందేశాన్ని పంపింది.

ప్రస్తుతం చెన్నై పోలీసులు కేసు నమోదు చేసి, దర్యాప్తు చేస్తున్నారు. ఆమె పార్థివ దేహాన్ని పోస్టు మార్టమ్‌కు పంపి విచారణ చేపట్టారు. పోస్టు మార్టమ్ రిపోర్ట్ రాగానే చర్యలు చేపడతామని పోలీసులు తెలిపారు. యాషిక మృతికి తమిళ సినీరంగం వారు సంతాపం వ్యక్త పరిచారు.