ఆ హీరోతో ఒక్కసారైనా.. అంటోన్న ఇస్మార్ట్ బ్యూటీ

బాలీవుడ్ బ్యూటీ నిధి అగర్వాల్ టాలీవుడ్‌లో వరుసగా సినిమాలు చేస్తూ వచ్చినా పెద్దగా గుర్తింపు మాత్రం రాలేదు. అయితే గతేడాది రిలీజ్ అయిన ఇస్మార్ట్ శంకర్ చిత్రంతో అమ్మడికి అదిరిపోయే క్రేజ్ వచ్చిపడింది. పూరీ జగన్నాథ్ డైరెక్ట్ చేసిన ఈ సినిమాలో అమ్మడి అందాలకు తెలుగు ప్రేక్షకులు ఫిదా అయ్యారు. ఇక ఆ సినిమా ఇచ్చిన సక్సెస్‌తో టాక్ ఆఫ్ ది టౌన్‌గా మారిపోయిన నిధి, వరుసగా ఆఫర్లు వచ్చి పడతాయని అనుకుంది.

కానీ సీన్ రివర్స్ అయ్యి ఆమెకు చెప్పుకోదగ్గ ఆఫర్లు కూడా ఏమీ రాలేదు. దీంతో మళ్లీ ఈ బ్యూటీ బాలీవుడ్‌వైపు చూస్తున్నట్లు తెలుస్తోంది. ఈ క్రమంలోనే బాలీవుడ్ యంగ్ హీరో రణ్‌బీర్ కపూర్ అంటే తనకు ఎంతో ఇష్టమని, ఆయన్ను తొలిసారి చూసినప్పుడే ప్రేమలో పడిపోయానంటోంది ఈ బ్యూటీ. ఇక జీవితంలో ఒక్కసారైనా ఆయనతో సినిమా చేయాలనేది తన కోరిక అని నిధి చెబుతోంది. రణ్‌బీర్ కపూర్ నటించే ప్రతి సినిమాను తాను తప్పక చూస్తానంటూ చెప్పుకొచ్చింది ఈ అందాల భామ.

ఇక టాలీవుడ్‌లో ప్రస్తుతం అశోక్ గల్లా హీరోగా పరిచయం అవుతున్న సినిమాలో నిధి అగర్వాల్ హీరోయిన్‌గా నటిస్తోంది. తమిళంలోనూ ఓ సినిమాను ఓకే చేసింది ఈ ఇస్మార్ట్ పోరి. కాగా ఈ బ్యూటీ సోషల్ మీడియాలో ఎప్పుడు యాక్టివ్‌గా ఉంటూ హాట్ ఫోటోషూట్‌లతో ప్రేక్షకులను ఆకట్టుకుంటోంది. మరి ఈ బ్యూటీ కోరిక ఎప్పుడు నెరవేరుతుందో చూడాలి అంటున్నారు ఆమె అభిమానులు.