చిరంజీవి మనుమరాలు అప్పుడే ఇంతపెద్దగా అయ్యిందా?

మెగాస్టార్ చిరంజీవి సినిమాలకు ఎంత టైమ్ కేటాయిస్తారో అందరికీ తెలిసిందే. అయితే ఆయన ఫ్యామిలీకి కూడా అంతే ప్రాముఖ్యతను ఇస్తూ, వీలు చిక్కినప్పుడల్లా తన కుంటుంబంతో గడిపేస్తుంటారు. తన కొడుకు, కూతుళ్లు, వాళ్ల పిల్లలతో చిరు చాలా సరదాగా సమయం గడుపుతుంటారు. ఇటీవల తన మనుమరాలైన శ్రీజా-కళ్యాణ్‌దేవల కుమార్తె నవిష్యతో చిరు సరదాగా గడిపిన వీడియో ఒకటి సోషల్ మీడియాలో వైరల్‌గా మారింది.

కాగా తాజాగా తన గారాల మనుమరాలు నివృతతో చిరు దిగిన ఫోటో ఇప్పుడు సోషల్ మీడియాలో వైరల్ అవుతోంది. ఆమెను ప్రేమగా దగ్గరకు తీసుకుని ఆమె నుదుటిపై ముద్దుపెడుతూ చిరు ఆమెపై చూపిస్తు్న్న ప్రేమను ఈ ఫోటోలో మనకు కనిపిస్తుంది. ఇక ఈ ఫోటోను నివృత తన సోషల్ మీడియా అకౌంట్‌లో పోస్ట్ చేసింది. ఈ ఫోటోను చూసిన మెగా ఫ్యాన్స్ సంతోషంతో పాటు ఆశ్చర్యానికి గురవుతున్నారు. శ్రీజా-కళ్యాణ్ దేవ్‌ల పెళ్లి సమయంలో చాలా చిన్నగా ఉన్న అమ్మాయి, అప్పుడే ఇంత పెద్దగా అయ్యిందా అంటూ వారు నోరెళ్లబెడుతున్నారు.

ఏదేమైనా చిరు తన మనుమరాలిపై చూపిస్తున్న ప్రేమకు మెగా ఫ్యాన్స్ ఫిదా అవుతున్నారు. ఇటీవల 65వ పుట్టినరోజు జరుపుకున్న మెగాస్టార్‌కు తన కుటుంబ సభ్యులు ఆప్యాయంగా శుభాకాంక్షలు తెలిపారు. ఇక సినిమాల పరంగా మెగాస్టార్ నటిస్తున్న లేటెస్ట్ మూవీ ‘ఆచార్య’ ఫస్ట్ లుక్‌ను ఆయ పుట్టినరోజు సందర్భంగా రిలీజ్ చేశారు. ఈ సినిమాను దర్శకుడు కొరటాల శివ డైరెక్ట్ చేస్తుండటంతో ఈ సినిమాపై అదిరిపోయే అంచనాలు క్రియేట్ అయ్యాయి.