యంగ్ రెబల్ స్టార్ ప్రభాస్.. రెండున్నర ఏళ్ల తర్వాత పీరియడిక్ లవ్ స్టోరీ రాధేశ్యామ్ సినిమాతో ప్రేక్షకుల ముందుకొచ్చాడు ఈ సినిమా దాదాపు నాలుగేళ్లుగా వార్తల్లో నిలుస్తూ ఫ్యాన్స్ ని ఆకర్షించింది.
పాన్ ఇండియా పీరియడిక్ మూవీగా తెరకెక్కిన రాధేశ్యామ్ మూవీ.. తాజాగా ప్రపంచవ్యాప్తంగా విడుదలైంది. తెలుగుతో పాటు హిందీ, తమిళం, మలయాళం, కన్నడ భాషల్లో విడుదలైన రాధేశ్యామ్ చిత్రం విశేషాలు ఎలా ఉన్నాయో చూద్దాం!
కథ: విక్రమాదిత్య(ప్రభాస్) మోస్ట్ పాపులర్ పామిస్ట్. కొన్ని కారణాల వలన ఇండియా వదిలి ఇటలీలో నివసిస్తుంటాడు. పామిస్ట్ గా విక్రమాదిత్య చెప్పేవన్నీ వందశాతం నిజమవుతుంటాయి.
అయితే.. అందరి చేతి రేఖలు చూసి ఫ్యూచర్ చెప్పే విక్రమాదిత్య.. తన రేఖలలో ప్రేమ, పెళ్లికి చోటులేదని తెలుసుకొని ఫుల్ క్లారిటీతో లైఫ్ గడిపేస్తుంటాడు
అనుకోకుండా ఒకరోజు డాక్టర్ ప్రేరణ(పూజాహెగ్డే)ని కలుసుకుంటాడు. తొలిచూపులోనే ఆమెను ఇష్టపడి ఆమెకు దగ్గరవుతాడు. కానీ విధిరాతను ఎవరు మార్చలేరని చెప్పి ఆమెకు దూరంగా ఉండేందుకు ట్రై చేస్తాడు.
మరి చివరికి విక్రమాదిత్య – ప్రేరణల లవ్ స్టోరీ ఏమైంది? విధిరాతను ఎదురించి వీరి ప్రేమ గెలిచిందా లేదా? ప్రేమకు, విధికి మధ్య ఇద్దరి జీవితాలు ఎలాంటి సంఘర్షణకు గురయ్యారు? అనేది మిగిలిన కథ.
విశ్లేషణ:
విధికి, ప్రేమకు ముడిపెడుతూ.. ఫ్యూచర్ అనేది చేతి రేఖల్లో కాదు, చేతల్లో ఉంటుందని చెబుతోంది రాధేశ్యామ్. బాహుబలి తర్వాత ప్రభాస్ ఇమేజ్ పాన్ ఇండియా స్థాయి మించిపోవడంతో..
ముందునుండి చెప్పినట్లుగానే కంప్లీట్ లవ్ స్టోరీతో తెరకెక్కింది ఈ సినిమా. ఫస్ట్ హాఫ్ లో వరల్డ్ ఫేమస్ పామిస్ట్ విక్రమాదిత్యగా ప్రభాస్ క్యారెక్టర్ ని పరిచయం చేసిన దర్శకుడు..ఇంటర్వెల్ వరకు అసలు స్టోరీ చెప్పకుండా సాగించాడు.
ఇంటర్వెల్ టైంలో అసలు ట్విస్టుతో కథలోకి తీసుకెళ్తాడు. సెకండ్ హాఫ్ లో సినిమా స్పీడ్ గా సాగుతుంది. కానీ సినిమాలో ప్రభాస్ క్యారెక్టర్ నుండి ఎక్సపెక్ట్ చేసే మాస్ సీన్స్, ఫ్యాన్స్ విజిల్స్ వేయించే స్థాయి సీన్స్ ఎక్కడ కూడా కనిపించవు
క్లాస్ లవ్ స్టోరీ కావడంతో హీరో క్యారెక్టర్ ని ఎలివేట్ చేసే స్కోప్ లేకుండా పోయింది. ప్రభాస్ నుండి సగటు ప్రేక్షకులు ఎక్సపెక్ట్ చేసే సీన్స్ అయితే ఈ సినిమాలో లేవని చెప్పాలి. కాకపోతే సినిమాలో ప్రభాస్ స్టైలిష్ గెటప్, క్యారెక్టర్ అప్పియరెన్స్ ప్రేక్షకులను ఆకట్టుకుంటుంది.
ఇంటర్వెల్ ట్విస్టుతో ఇంటరెస్టింగ్ గా మొదలైన రాధేశ్యామ్ సెకండ్ హాఫ్.. స్టోరీతో దర్శకుడు ఫ్యాన్స్ ని సంతృప్తి పరిచే ప్రయత్నం చేశాడు. ముఖ్యంగా క్లైమాక్స్ వచ్చేసరికి ఫ్యాన్స్ అంతా పూర్తిస్థాయిలో ఎమోషనల్ సీక్వెన్స్ లోకి వెళ్ళిపోతారు.
అద్భుతమైన విజువల్స్ కారణంగా సినిమా క్లైమాక్స్ లో ఫ్యాన్స్ ఖుషీ అవుతారు. ఫస్ట్ హాఫ్ అంతా యూరప్ అందమైన లొకేషన్స్ లో.. విక్రమ్ – ప్రేరణల మధ్య లవ్ ట్రాక్ తో ఆహ్లాదంగా సాగుతుంది. సెకండ్ హాఫ్ లో అంతా సీరియస్ లవ్ డ్రామాతో సాగుతుంది
విక్రమాదిత్య గురువు పరమహంస క్యారెక్టర్ లో రెబల్ స్టార్ కృష్ణంరాజు మెప్పించారు.
రాధేశ్యామ్ కి మేజర్ ప్లస్ అంటే.. జస్టిన్ ప్రభాకరణ్ పాటలు, తమన్ బ్యాక్ గ్రౌండ్ మ్యూజిక్
మనోజ్ పరమహంస సినిమాటోగ్రఫీ అనే చెప్పాలి. మనోజ్ పరమహంస అద్భుతమైన విజువల్స్ కి, తమన్ బీజీఎం మరింత ప్లస్ అయింది. సినిమాలో మ్యూజిక్, సినిమాటోగ్రఫీనే బోర్ ఫీలింగ్ రాకుండా చేసాయి
ఫస్ట్ హాఫ్, సెకండ్ హాఫ్ లో కొన్నిచోట్ల స్క్రీన్ ప్లే స్లో అయింది. పామిస్ట్రీ సబ్జెక్టు ఎంచుకున్న దర్శకుడు.. పామిస్ట్ విక్రమాదిత్య క్యారెక్టర్ ని మరింత డెప్త్ గా చూపించి ఉంటే బాగుండేది. కేవలం ప్రభాస్, పూజాల మధ్య లవ్, ఎమోషన్స్ తోనే కథను నడిపించడంతో ఫ్యాన్స్ కి కూడా సాగదీసిన ఫీలింగ్ కలుగుతుంది.