మారుతున్న కాలానికి అనుగుణంగా అన్నం వండడంలో కూడా మార్పులు కనిపిస్తున్నాయి.
కొంతమంది గంజి వండకుండా అన్నం వండుతుంటే.. మరికొంత మంది మాత్రం గంజి వంచుతూ అన్నం వండుతున్నారు.
అలా వంచిన గంజిని చాలా మంది.. అనవసరంగా కిందపారబోస్తున్నారు.
కానీ, కొంత మంది మాత్రం.. ఆ గంజిని నేలపాలు చేయకుండా ఆరోగ్యం కోసం తాగుతుంటారు.
అసలు గంజి తాగడం ద్వారా కలిగే ఆరోగ్య ప్రయోజనాలు ఏంటి? పోషకాహార నిపుణులు ఏం చెబుతున్నారో ఇప్పుడు తెలుసుకుందాం.
చాలా మంది ఇంట్లో అన్నం వంచిన తర్వాత వచ్చిన గంజిని పారబోస్తున్నారు.
గంజిని పారబోయకుండా గంజిని తాగడం వల్ల ఎన్నో రకాల ఆరోగ్య ప్రయోజనాలు ఉన్నాయని నిపుణులు చెబుతున్నారు.
గంజిలో ఖనిజాలు, యాంటీ ఆక్సిడెంట్స్, అమైనో ఆమ్లాలు, విటమిన్లు వంటి పోషకాలు ఉంటాయి.
గంజిని తాగడం ద్వారా జీర్ణ సంబంధమైన వ్యాధులు దరి చేరవని నిపుణులు తెలియజేస్తున్నారు.
ఇదే కాకుండా తక్షణ శక్తి కోసం గంజిని తాగాలని కూడా నిపుణులు సూచిస్తున్నారు.
గంజి తాగడం వల్ల అజీర్ణం వంటి సమస్యలు కూడా రావని చెబుతున్నారు.
డయేరియా సమస్యలు ఉన్నవారు ఈ గంజి తాగితే మంచి ఫలితాలు ఉంటాయని నిపుణులు తెలియజేస్తున్నారు.
నోట్: పై విషయాలు పాటించేముందు మీ దగ్గరలోని డాక్టర్, నిపుణుల సలహా తీసుకోవడం ఉత్తమం.