చండ్రును పూర్తిగా వదిలించుకోవడం కష్టమైన పనే. కానీ చుండ్రు వల్ల నెత్తిమీద దురద పెడుతుంది. చర్మం పొలుసులుగా మారుతుంది.
చుండ్రు వల్ల చర్మం జిడ్డుగానూ అయిపోతుంది. అన్నింటికీ మించి ఈ ప్రాబ్లమ్ వల్ల జుట్టు విపరీతంగా ఊడిపోతుంది.
డ్రైనెస్, చల్లని గాలులు, ఫంగస్ పెరుగుదల లాంటివి చుండ్రుకు కారణాలు. చలికాలంలో కొన్ని ఫుడ్స్ తింటే ఈ సమస్య తగ్గుతుందని నిపుణులు చెబుతున్నారు.
చుండ్రును తగ్గించంలో ఎఫెక్టీవ్ గా పనిచేసే వాటిలో పొద్దుతిరుగుడు విత్తనాలు ఒకటి. మీ రోజువారీ ఆహారంలో తప్పకుండా పొద్దుతిరుగుడు విత్తనాలు ఉండేలా చూడండి.
ఈ విత్తనాలు మీ నెత్తిని ఆరోగ్యంగా ఉంచేందుకు అవసరమైన పోషకాలను కలిగి ఉంటాయి. జింక్, విటమిన్ బి 6 అద్భుతమైన మూలం పొద్దుతిరుగుడు విత్తనాలు.
ఇవి సెబమ్ ఉత్పత్తిని నియంత్రించడానికి సహాయపడతాయి. ఈ విత్తనాలు జీర్ణక్రియను పెంచుతాయి. ఇవి అజీర్ణం వల్ల వచ్చే చుండ్రును తగ్గిస్తాయి.
అల్లం నెత్తిమీద చుండ్రును వదిలించుకోవడానికి ఎంతో సహాయపడుతుంది. కొంతమందికి జీర్ణశయాంతర సమస్యల వల్ల కూడా చుండ్రు వస్తుంది.
అల్లం జీర్ణక్రియకు సహాయపడుతుంది. చుండ్రును తొలగిస్తుంది. అల్లంలో ఉండే యాంటీ బాక్టీరియల్, యాంటీ ఫంగల్ లక్షణాలు చుండ్రును వదిలించడానికి సహాయపడతాయి.
బొప్పాయిలో పాపైన్ అనే ఎంజైమ్ పుష్కలంగా ఉంటుంది. మీ నెత్తిమీద అదనపు నూనెలను, రసాయనాలను తగ్గించడానికి ఇది సహాయపడుతుంది.
ఇవే చుండ్రుకు అసలు కారణాలు. చుండ్రు వేధిస్తుంటే.. మీ ఆహారంలో బొప్పాయిని తప్పకుండా చేర్చండి.
యాంటీ ఫంగల్ అల్లిసిన్.. వెల్లుల్లిలో సమృద్ధిగా ఉంటుంది. క్రమం తప్పకుండా వెల్లుల్లి తినడం లేదా నెత్తిమీద నేరుగా పూయడం వల్ల చుండ్రు బాగా తగ్గిపోతుంది.
చుండ్రును తగ్గించుకోవడానికి మూడు నుంచి నాలుగు వెల్లుల్లి రెబ్బలను చూర్ణం చేసి వాటిని నెత్తిమీద అప్లై చేయండి. 15 నిమిషాల తర్వాత తలస్నానం చేస్తే సరి.
చుండ్రు తగ్గడానికి సహాయపడే జింక్, విటమిన్ బి 6 అనే రెండు ఖనిజాలు, బఠానీల్లో పుష్కలంగా ఉంటాయి. వీటిని తినడానికి బదులుగా పేస్ట్ చేసి నెత్తిమీద అప్లై చేస్తే మంచి ప్రయోజనం ఉంటుంది.
పేస్ట్ ను తయారు చేయడానికి బఠానీలు పిండిని తీసుకుని అందులో పెరుగు, నీళ్లను కలపండి. ఈ మిశ్రమాన్ని నెత్తికి పెట్టండి. కాసేపటి తర్వాత నీట్ గా శుభ్రం చేసుకోవాలి.
గుడ్లలో జింక్, బయోటిన్ రెండూ సమృద్ధిగా ఉంటాయి. ఈ పోషకాలు మన జుట్టును, నెత్తిని ఆరోగ్యంగా ఉంచుతాయి. వీటివల్ల సెబమ్ మోతాదుకు మించి ఉత్పత్తి కాదు.
సెబమ్ అనేది శరీరం ఉత్పత్తి చేసే సహజ నూనె. ఇది మన నెత్తిని రక్షించడానికి సహాయపడుతుంది. జింక్, బయోటిన్ ఎక్కువగా ఉన్న ఆహారాన్ని తినడం వల్ల చుండ్రు చాలా వరకు తగ్గుతుంది.
సెబమ్ ఎక్కువగా ఉత్పత్తి అయితే కూడా చండ్రు ఏర్పడుతుంది. నెత్తిని ఆరోగ్యంగా ఉంచుకోవాలన్నా, చుండ్రు తగ్గించుకోవాలన్నా, ప్రోటీన్ ఎక్కువగా ఉన్న ఆహారాన్ని కచ్చితంగా తీసుకోవాలి.
నిజానికి తక్కువ ప్రోటీన్లు ఉన్న ఆహారం వల్ల కూడా జుట్టు రాలిపోతుంది. ఎన్నో జుట్టు సమస్యలకు దారితీస్తుంది. చికెన్, ఇతర పౌల్ట్రీ ఉత్పత్తులు ప్రోటీన్ కు మంచి వనరులు.
నోట్: పైన టిప్స్ పాటించేముందు మీ దగ్గర్లోని డాక్టర్, నిపుణుల సలహా కూడా తీసుకోవడం ఉత్తమం