గర్భిణీలు ఎక్కువ సేపు హైహీల్స్ ను ధరించడం వల్ల కాలి కండరాలు ముందుకు వంగిపోతాయి.
ఈ కారణంగా ముందుకు వంగి ఉండాల్సి వస్తుంది.
ప్రెగ్నెన్సీ టైంలో శరీర బరువు వేగంగా పెరుగుతుంది.
అది శరీర భంగిమపై ప్రభావం చూపుతుంది.
ఈ కారణంగా కాళ్ళ మడమలలో, వీపు నొప్పులు కలుగుతాయి.
ఎక్కువ సేపు హైహీల్స్ తో నడవడం వల్ల పాదాలలో కండరాలు సంకోచిస్తాయి.
దీంతో కండరాలలో తిమ్మిరి కలుగుతుంది.
ప్రెగ్నెన్సీ సమయంలో ఈ తిమ్మిరి మరింత ఎక్కువవుతుంది.
హైహీల్స్ వల్ల బాడీ బ్యాలెన్స్ సమస్యలు తలెత్తుతాయి.
బరువు పెరగడం, హార్మోన్ల మార్పుల కారణంగా చీలమండలు వీక్ అవుతాయి.
ఈ కారణంగా శరీర సమతుల్యత దెబ్బ తింటుంది.
దీని వల్ల తల్లికి, పుట్టబోయే బిడ్డకు ఇద్దరికీ ప్రమాదమే.
ప్రెగ్నెన్సీ సమయంలో చీలమండలు, పాదాలలో వాపు సాధారణం.
అయితే హైహీల్స్, టైట్ షూస్ ధరించడం వల్ల ఈ సమస్య ఇంకా పెరుగుతుంది.
ఇలాంటి సమస్యలు వస్తాయి కాబట్టి గర్భిణీలు హైహీల్స్ వాడకపోవడమే మంచిది.