ఇదొక్కటేకాదు.. మనీ ట్రాన్సఫర్, మొబైల్ రీఛార్జులు, గ్యాస్ బుకింగ్స్, స్కూల్ ఫీజులు, ఇంటి అద్దె, వాటర్ బిల్లులు.. ఇలా చెప్పుకుంటే పోతే ఎన్నో రకాల సేవలు క్షణాల్లో పొందవచ్చు.
చదువుకోని వాల్లనే కాదు, చదువుకున్న వాళ్లను కూడా సైబర్ మాయగాళ్లు మభ్యపెడుతూ అందినకాడికి దోచేస్తున్నారు. అందుకే యూపీఐ పేమెంట్స్ విషయంలో అప్రమత్తత చాలా అవసరం.
మీ యూపీఐ పిన్ ఎవరికీ చెప్పకూడదు. ఏ బ్యాంకు గానీ, సంస్థ గానీ.. మీ యూపీఐ పిన్ అడగవు. కాబట్టి ఎవరికీ యూపీఐ పిన్ చెప్పకూడదు. వాట్సప్, ఎస్ఎంఎస్ ద్వారా యూపీఐ పిన్ షేర్ చేయకూడదు.
అలాగే.. మీ పర్సనల్ డేటా ఉన్న స్మార్ట్‌ఫోన్, కంప్యూటర్, ల్యాప్‌టాప్ యాక్సెస్ మీకు సంభంధం లేని వ్యక్తులకు ఇవ్వకూడదు.
మీ బ్యాంకు కేవైసీ వివరాలు అప్‌డేట్ చేస్తామని, మీ గ్యాడ్జెట్‌కు యాక్సెస్ ఇవ్వాలని అనుమానిత వ్యక్తులు ఎవరైనా కోరితే ఇవ్వకండి. అలాంటివారు సూచించే యాప్స్ కూడా డౌన్‌లోడ్ చేయొద్దు.
మీరు ఫలానా బహుమతి గెలుచుకోవాలంటే మీ యూపీఐ యాప్‌లో.. యూపీఐ పిన్ ఎంటర్ చేయాలని ఎవరైనా అడుగుతున్నారంటే అది మిమ్మల్ని మోసం చేయడానికేనని గుర్తించాలి.
ఒకవేళ మీరు.. సైబర్ నేరగాళ్ల ఉచ్చులో పడి.. యూపీఐ పిన్ ఎంటర్ చేశారనికోండి.. క్షణాల్లో మీ అకౌంట్ ఖాళీ అయ్యే అవకాశం ఎక్కువ.
మీరు యూపీఐ యాప్ ద్వారా పేమెంట్ చేస్తున్నా, ఎవరికైనా డబ్బులు పంపిస్తున్నా.. ట్రాన్సాక్షన్ పూర్తి చేసేముందు మరోసారి వారి వివరాలు సరిచూసుకోవాలి.
అంటే మీరు డబ్బులు ట్రాన్స్‌ఫర్ చేయాలంటే యూపీఐ పిన్ ఎంటర్ చేయాలి. కానీ మీరు డబ్బులు స్వీకరించడానికి మీరు యూపీఐ పిన్ ఎంటర్ చేయాల్సిన అవసరం లేదు.
ఈ జాగ్రత్తలు తీసుకోవడం ద్వారా యూపీఐ మోసాలను కొంతమేర తగ్గించవచ్చు. మోసగాళ్లకు మీరు టార్గెట్ కాకుండా బయటపడవచ్చు. ఈసారి యూపీఐ పేమెంట్స్ చేసేప్పుడు ఈ విషయాలన్నీ తప్పక గుర్తుంచుకోండి.