Star Maa Bigg Boss 2 లో కౌశల్ కి గీతమాదురికి షాక్ |Geetha Madhuri Reaction On Kaushal Captaincy Task

            Star Maa Bigg Boss 2 లో కౌశల్ కి గీతమాదురికి షాక్ |

         నాని హోస్ట్ చేస్తున్న బిగ్ బాస్ సీజన్ 2 వివాదాలకు కేరాఫ్ అడ్రస్గా మారింది. 68వ ఎపిసోడ్కు చేరువకావడంతో కంటెస్టెంట్స్ మధ్య టఫ్ ఫైట్ నడుస్తోంది. టైటిల్ రేస్లో నువ్వా నేనా అంటూ పోటీ పడుతున్నారు. ముఖ్యంగా బిగ్ బాస్ సీజన్ 2తో హీరోగా మారిన కౌశల్ ఏకాకిగానే ఫైట్ చేస్తూ బిగ్ బాస్ సీజన్ 2 టైటిల్ రేస్లో అందరికంటే ముందు ఉండటంతో అతడిపై మిగిలిన కంటెస్టెంట్స్ మూకుమ్మడి మాటల దాడికి సిద్ధం అయ్యారు. దీనికి బిగ్ బాస్ ఇచ్చిన ఈ వారం లగ్జరీ బడ్జెట్ టాస్క్ను ‘కాల్ సెంటర్’ టాస్క్ను ఆయుధంగా మలచుకుని కౌశల్పై అటాక్కి దిగుతున్నారు. గత రెండు రోజులుగా బిగ్ బాస్ హౌస్లో కాల్ సెంటర్ టాస్క్ రంజుగా నడుస్తోంది. ఈ టాస్క్ ప్రకారం హౌస్లో ఉన్న కంటెస్టెంట్స్ రెండు టీంలుగా ఉన్నారు. వారిలో ఒకటి కాల్ సెంటర్ ఉద్యోగులు కాగా.. మరొకరు పబ్లిక్ కాలర్స్. ఈ టాస్క్లో కౌశల్, దీప్తి, సామ్రాట్, శ్యామల, అమిత్, నూతన్ నాయుడు కాల్ సెంటర్ ఉద్యోగులుగా ఉండగా.. మిగిలిన తనీష్, సునయన, గీతా మాధురి, పూజా, గణేష్, రోల్ రైడాలు పబ్లిక్ కాలర్స్గా ఉన్నారు. ఈ టాస్క్ కాన్సెప్ట్ ఏంటంటే.. పబ్లిక్ కాలర్స్ కాల్ సెంటర్ ఉద్యోగులకు కాల్ చేసి వాళ్లను విసిగించి ఫోన్ పెట్టేసేలా చేయడం.. కాని ఈ టాస్క్ను పర్సనల్ ఎటాక్గా మార్చేశారు దీప్తి సునయన, గీతా మాధురి, గణేష్లు.

         తొలిరోజు కాల్ సెంటర్ ఉద్యోగిగా ఉన్న కౌశల్ను టార్గెట్ చేస్తూ.. పబ్లిక్ కాలర్స్గా కాల్ చేసిన దీప్తి సునయన, సింగర్ గీతా మాధురిలు కౌశల్పై వ్యక్తిగత దూషణకు దిగారు. ముఖ్యంగా దీప్తి సునయన వల్గర్ లాంగ్వేజ్తో కౌశల్పై మాటల యుద్ధానికి తెరతీసింది. అసలు ఏంటి నీ బాధ. బిగ్ బాస్ హౌస్లో ఏం చేయాలనుకుంటున్నావ్.. జనాలు నిన్ను ఎలా చూస్తున్నారో ఏమో కాని.. అసలు నీకు ఓట్లు ఎలా వస్తున్నాయో అర్ధం కావడం లేదు. నీ నటన గురించి వాళ్లకు తెలియక పోవడం వల్ల నువ్ తెగ ఫీల్ అయిపోతున్నావ్. నిజం చెప్పాలంటే నీకసలు బిగ్ బాస్ హౌస్లో ఉండే అర్హతే లేదు. బిగ్ బాస్ హౌస్లో నీ ప్రవర్తను ఎలా ఉందో 24 గంటలు జనం చూస్తే.. నీ ముఖం మీద తూ... అని ఊస్తారు. నువ్ పెద్ద హీరోలా ఫీల్ అయిపోకు. నీకు తెలియడం లేదేమో నువ్ హీరోవి కాదు జోకర్వి అవుతున్నావ్ అంటూ నోటికొచ్చినట్టు మాటల దాడి చేసింది. అయితే కౌశల్ సహనం కోల్పోకుండా ఆమె మాటల్ని తప్పికొట్టి పాయింట్ గెల్చుకున్నాడు. ఇది గీతా మాధురి సైతం.. నిన్ను సపోర్ట్ చేస్తూ వచ్చిన నన్నే తొక్కేయాలని ట్రైచేస్తున్నావ్ అంటూ ఫోన్ కాల్ ద్వారా కౌశల్పై లోపల ఉన్నదంతా కక్కేసింది.

         హౌస్లో పదే పదే అబద్ధాలు ఆడుతూ నీతి, నిజాయితీ అంటారు ఎందుకు? మిమ్మల్ని ఏకాకి చేశారని మీకు మీరే ప్రమోట్ చేసుకుని సానుభూతి పొందాలనుకుంటున్నారు. అందరితో మంచిగా ఉన్నట్లు నటిస్తూ మీకు అడ్డువచ్చిన వాళ్లని తొక్కేయాలన్నదే మీ ఉద్దేశం. మీకు అడ్డుగా ఉన్నాననే నన్ను అకారణంగా ఎలిమినేషన్కి నామినేట్ చేశారంటూ ఫైర్ అయ్యింది గీత. అయితే కౌశల్ ఆమెకు ఓర్పుతో సమాధానం చెప్పి పాయింట్ రాబట్టాడు. ఇక ఈరోజు ప్రసారం అయ్యే అయ్యే ఎపిసోడ్ ప్రోమోను వదిలింది స్టార్ మా. ఈ ప్రోమోలో సింగర్ గీత మాధురి, కౌశల్ మధ్య మాటల యుద్ధం నడుస్తోంది. మోసం చేసిన గెలవాలనుకున్నప్పుడు రియల్ లైఫ్లోనూ మోసం చేస్తారని కౌశల్ అనడంతో గీతా మాధురి మాటల దాడి మొదలు పెట్టింది. మీరు లైన్ డిస్టబెన్స్ అని అబద్ధం ఆడినప్పుడు రోల్ రైడా ఫోన్ పెట్టేస్తున్నా అని అబద్ధం ఆడటంలో తప్పులేదు. మీరు చేస్తే సంసారం వేరే వాళ్లు చేస్తే ఇంకోటి అని అనొద్దు, తప్పా.. రైటా అని నేను మాట్లాడటం లేదు, మీ మీద ఉన్న అభిప్రాయం మారింది అంతే అంటూ నోరు జారింది గీతా మాధురి. మరి ఈ వివాదం ఎంత వరకూ వెళ్లింది? కాల్ సెంటర్ టాస్క్లో ఎవరిది పైచేయి అన్నది గురువారం నాటి ఎపిసోడ్లో తేలనుంది.

Comments