Skip to main content

కరుణానిధి హటాత్తుగా ఇలా అవ్వడానికి అసలు కారణం ఇదే | Reasons Behind Karunanidhi Passes Away

          కరుణానిధి హటాత్తుగా ఇలా అవ్వడానికి అసలు కారణం ఇదే 

     1.తమిళనాడు మాజీ ముఖ్యమంత్రి కరుణానిధి ఇకలేరు. గత కొద్దిరోజులుగా తీవ్ర అనారోగ్యంతో బాధపడుతున్న ఆయన మంగళవారం సాయంత్రం మరణించారు. ఆయన చనిపోయిన విషయాన్ని కావేరీ హాస్పిటల్ యాజమాన్యం ధ్రువీకరించింది. సాయంత్రం 6.10 గంటలకు ఆయన చనిపోయారని ప్రెస్ రిలీజ్ ద్వారా హాస్పిటల్ వెల్లడించింది. 1924 జూన్ 3న జన్మించిన ఆయన 94 ఏళ్లు జీవించారు. ఐదు సార్లు తమిళనాడు సీఎంగా పని చేశారు. 1957 నుంచి పోటీ చేసిన ప్రతి ఎన్నికలో గెలుపొందారు. డీఎంకే అధినేత కరుణానిధి ఆరోగ్యకరమైన జీవన విధానాన్ని పాటించారు. ఉదయాన్నేనిద్రలేవడం, యోగా చేయడం, నడక, మిత ఆహారం తీసుకోవడం వల్ల ఆయన దీర్ఘకాలంపాటు ఆరోగ్యంగా జీవించారు. 2009లో తీవ్రమైన నడుంనొప్పి, కాలునొప్పి కారణంగా ఆయనకు స్పైనల్ సర్జరీ చేయాల్సి వచ్చింది. అప్పటి నుంచి ఆయన వీల్ఛైర్కే పరిమితమయ్యారు. 2016 ముందు వరకు ఆయన అరుదుగా హాస్పిటల్కు వెళ్లాల్సి వచ్చింది. అదే ఏడాది డిసెంబర్లో కరుణానిధికి ట్రాకియోస్టోమీ చేశారు. దీని వల్ల ఆయనకు శ్వాస సమస్యలు, గొంతు, ఊపిరితిత్తుల ఇన్ఫెక్షన్లు తగ్గాయి. దాంతోపాటు గ్యాస్టోస్ట్రొమీ చేసి కడుపులో ఫ్లెక్సిబుల్ ట్యూబ్ను ఉంచారు. ఈ ట్యూబ్ల ద్వారా గత 20 నెలలుగా న్యూట్రిషన్లు, ఫ్లూయిడ్స్, మందులను నేరుగా అందించారు. గత ఏడాది కాలంగా కరుణానిధి ఇంటి నుంచి బయటకు వచ్చిన సందర్భాలు తక్కువ. పెద్దగా ఎవరినీ కలవలేదు. 


జూలై 19: ట్రాకియోటోమీ ట్యూబ్ మార్చడం కోసం కరుణానిధిని చెన్నైలోని కావేరీ హాస్పిటల్లో చేర్పించారు. అదే రోజు సాయంత్రం 4 గంటలకు ఆయన డిశ్చార్జ్ అయ్యారు. 

జూలై 26: వయో భారం కారణంగా కరుణానిధి ఆరోగ్యం ‘స్వల్పం’గా క్షీణించిందని కావేరీ హాస్పిటల్ హెల్త్ బులెటిన్ విడుదల చేసింది. 

జూలై 28: బీపీ తగ్గడం, యూరిన్ ఇన్ఫెక్షన్, ఇతర సమస్యల కారణంగా కరుణానిధి జూలై 28న వేకువ జామునే కావేరీ హాస్పిటల్లోని ఐసీయూలో చేరారు. రెండు గంటల్లోగా ఆయన బీపీ అదుపులోకి వచ్చింది. కానీ ఐసీయూలోనే ఉంచి చికిత్స అందించారు. 

జూలై 29: ఆరోగ్యం క్షీణించినా.. తర్వాత కరుణానిధి కోలుకున్నారని కావేరీ హాస్పిటల్ యాజమాన్యం తెలిపింది. 

జూలై 31: కరుణానిధి చికిత్సకు బాగా స్పందిస్తున్నారని వైద్యులు ప్రకటించారు. 

ఆగష్టు 6: సోమవారం నాటికి ఆయన ఆరోగ్యం మళ్లీ క్షీణించింది. వయోభారం కారణంగా ఆయన అవయవాలు సరిగా పని చేయడం లేదని, వాటి పనితీరు సక్రమంగా ఉంచేలా చేయడం సవాల్గా మారిందని హాస్పిటల్ ఎగ్జిక్యూటివ్ డైరెక్టర్ డాక్టర్ అరవిందన్ సెల్వరాజ్ తెలిపారు. ఆయన్ను నిరంతరం పరీక్షిస్తున్నామని, మెరుగైన చికిత్స అందిస్తున్నామని ప్రకటించారు. వచ్చే 24 గంటలు ఎంతో కీలకమని తెలిపారు. 


ఆగష్టు 7: కరుణానిధి ఆరోగ్యం మరింత క్షీణించిందని ఆయనకు చికిత్స అందించిన వైద్యులు తెలిపారు.
 

Comments

కరుణానిధి హటాత్తుగా ఇలా అవ్వడానికి అసలు కారణం ఇదే | Reasons Behind Karunanidhi Passes Away

posted onAugust 8, 2018
by sumantv

Tags

reasons behind karunanidhi passes away karunanidhi flash news tamil news karunanidhi news