Skip to main content

రష్మీని వదిలేసి అనసూయతో కలిసి డాన్స్ చేసిన శేఖర్ మాస్టర్ | Anchor Anasuya Dance With Sekhar Master

రష్మీని వదిలేసి అనసూయతో కలిసి డాన్స్ చేసిన శేఖర్ మాస్టర్ |

  కొరియోగ్రాఫర్లు జానీ, శేఖర్కు ప్రస్తుతం టాలీవుడ్లో మంచి డిమాండ్ ఉంది. ఈ మధ్య కాలంలో స్టార్ హీరోల సినిమాల్లో మంచి పాటలన్నీ దాదాపు వీళ్లే చేస్తున్నారు. రాజు సుందరం, ప్రేమ్ రక్షిత్ వంటి సీనియర్ కొరియోగ్రాఫర్లు ఉన్నప్పటికీ జానీ, శేఖర్లది ప్రత్యేక శైలి. ముఖ్యంగా బన్నీ, ఎన్టీఆర్, రామ్ చరణ్ వంటి డ్యాన్స్ బాగా చేసే హీరోలకు ఈ కొరియోగ్రాఫర్లు ఉండాల్సిందే. ఈ ఏడాదికే బ్లాక్ బస్టర్గా నిలిచిన రంగస్థలంసినిమాలో వీళ్లిద్దరూ చెరో పాటకు కొరియోగ్రఫీ చేశారు. రెండూ అద్భుతమైన పాటలే. ఊర మాస్ సాంగ్ జిగేలు రాణికి జానీ మాస్టర్ కొరియోగ్రఫీ అందించగా.. ఎంత సక్కగున్నావేపాటను శేఖర్ మాస్టర్ కంపోజ్ చేశారు. ఇదిలా ఉంటే, ‘రంగస్థలంసినిమా 100 రోజులు పూర్తయిన సందర్భంగా ఆదివారం రాత్రి హైదరాబాద్లో సంబరాలను చాలా ఘనంగా నిర్వహించారు.

రామ్ చరణ్, దర్శకుడు సుకుమార్, నిర్మాతల దగ్గర నుంచి టెక్నీషియన్లు, జూనియర్ ఆర్టిస్టులు, డిస్ట్రిబ్యూటర్లు, ఎగ్జిబిటర్లు అందరూ పాల్గొన్నారు. కార్యక్రమంలో భాగంగా కొరియాగ్రాఫర్లు జానీ, శేఖర్లను యాంకర్ సుమ వేదికపైకి పిలిచారు. చాలా తక్కువ మాట్లాడి.. ఒకరి పాటకు మరొకరు డ్యాన్స్ చేయాలని సుమ సూచించారు. అంటే జిగేల్ రాణి పాటకు శేఖర్.. ఎంత సక్కగున్నావే పాటకు జానీ డ్యాన్స్ చేయాలి. అయితే వీళ్ల మధ్య రంగమ్మత్త ఉంటే ఇంకా బాగుంటుందని అనసూయను సుమ వేదికపైకి ఆహ్వానించారు. అనసూయ కాస్త ఇబ్బందిగానే, మొహమాట పడుతూ వేదికపైకి వెళ్లింది. కానీ డ్యాన్స్ మాత్రం ఇరగదీసింది. రెండు పాటలకు డ్యాన్స్ మాస్టర్లతో కలసి స్టెప్పులేసింది. ముఖ్యంగా జిగేలు రాణిపాటలో రంగమ్మత్త లీనమైపోయి మంచి హావభావాలు, స్టెప్పులతో అదరగొట్టింది. ఈ పాట వచ్చినప్పుడు దర్శకుడు సుకుమార్ను కూడా వేదికపైకి ఎక్కించి ఆయనతోనూ స్టెప్పులేయించారు. మొత్తం మీద రంగమ్మత్త ఎంట్రీతో ప్రేక్షకుల్లో ఒక్కసారిగా ఉత్సాహం వచ్చింది. ఈ సందర్భంగా శేఖర్ మాస్టర్ మాట్లాడుతూ.. ఇప్పటి వరకు తాను ఇలాంటి పాటకు కొరియోగ్రఫీ చేయలేదని, ఇంత ఫీల్ ఉన్న పాటను తనకు ఇచ్చిన దర్శకుడు సుకుమార్, హీరో రామ్ చరణ్కు చాలా థ్యాంక్స్ అని చెప్పారు.

Comments

రష్మీని వదిలేసి అనసూయతో కలిసి డాన్స్ చేసిన శేఖర్ మాస్టర్ | Anchor Anasuya Dance With Sekhar Master

posted onJuly 11, 2018
by sumantv

Tags

Anchor Anasuya Dance With Sekhar Master AnchorAnasuya